The Prize (cinta de 1963)
- Iste articlo ye sobre una cinta de cine estausunidense de 1963 de comedia romantica d'espionache; ta atros usos, se veiga The Prize y The Prize (cinta).
The Prize (títol orichinal en anglés, en aragonés O premio, enguerada en Aragón con o suyo títol traduciu enta lo castellano como El premio) ye una cinta de cine d'intriga de comedia romantica d'espionache de l'anyo 1963 de cine estausunidense dirichida por Mark Robson seguntes un guión adaptau por Ernest Lehman (basau en a novela The Prize, publicada por Irving Wallace l'anyo 1962), con una banda sonora orichinal de Jerry Goldsmith, una dirección de fotografía de William H. Daniels, una producción cinematografica de Pandro S. Berman ta la productora cinematografica Roxbury Productions Inc. y un elenco d'actors d'o cual en fan parte Paul Newman, Elke Sommer, Edward G. Robinson, Diane Baker, Micheline Presle, Gérard Oury, Sergio Fantoni, Kevin McCarthy, Leo G. Carroll, Sacha Pitoëff, Jacqueline Beer, John Wengraf, Don Dubbins, Virginia Christine, Rudolph Anders, Martine Bartlett, Karl Swenson, John Qualen y Ned Wever, en os suyos papels principals.
Andrew Craig ye un escritor que ha ganau o Premio Nobel de Literatura pero ye desencantau en no tener prous ingresos por as vendas d'os suyos libros y s'adedica a la bebida y a las mullers. En plegar en Estocolmo ta la cerimonia d'entrega de premios coincide con os ganadors d'os atros Premios Nobel. Un d'éls ye Max Stratman, qui ha ganau o Premio Nobel de Fisica y ye acompanyau por a suya sobrina. Ista bien luego posa los suyos uellos en Craig, qui tamién s'intresa por ella pero amás por Inger Lisa Andersson, una polida funcionaria sueca a qui lo Miniesterio ha asignau ta estar o suyo contacto. Pero bien luego Craig prencipia a sospeitar que ha escaiciu bella cosa con Stratman porque parixe no estar a mesma persona, pero cuan Craig preba d'explicar ixo a las autoridaz y a la propia sobrina de Stratman, denguno no el creye.
A cinta s'ambienta en un momento futuro respective d'o momento actual d'a cinta, en a ciudat d'Estocolmo en Suecia, y las suyas escenas se filmoron en Estocolmo y Gotemburgo y en localidaz d'o condau d'Estocolmo en Suecia, amás d'en Sacramento y Los Angeles en California en Estaus Unius.[2]
Ye una cinta con bels premios y nominacions recibius, en destacando un Premio Globo d'Oro a la Millor Estrela Emerchent Femenina en a suya 21ena edición, amás d'una nominación a lo Premio Globo d'Oro a la Millor Actriz Segundaria.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero de The Prize en Internet Movie Database.
- ↑ (en) Localizacions de The Prize en Internet Movie Database.
- ↑ (en) The Prize en Internet Movie Database.
Datos: Q751341
Multimedia: The Prize (1963 film) / Q751341
