Soto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre os sotos como formacions de selva asociada a l'augua. Ta atros usos d'a parola «soto» se veiga Soto (desambigación).

Soto (d'o latín <SALTU) ye a parola tradicional, común en as luengas iberorromanicas occidentals, con a que se conoix a una formación vechetacional tipicament de ribera que se trobe en contacto con bel barranco, río u torrent u, menos vegadas, con un estanyo.

Un soto.

Os sotos gosan estar formaus por selva caducifolia de bellas especies concretas que no abundan sique en os arredols de l'augua (un ecosistema que se diz, propriament, selva de ribera u selva en galería).

En Aragón

En zonas de buena cosa d'Aragón (como a val d'Ebro), os sotos en as riberas de os ríos son as solas selvas caducifolias que se troba en muitos kilometros de forma natural, pus a falta d'augua ye un factor limitador d'o creiximiento vechetal en a resta d'o territorio, y sacando-ne formacions menors de pins, chinipros u sabinas, ye un medio dificil a on que no se troba guaires árbols.

En a montanya de l'Alto Aragón, anque i ha mas formacions de caixigos y belatras especies caducifolias, os sotos son tamién visibles a distancia por estar composaus d'especies diferents d'a resta, y amaneixen con frecuencia asociaus con viveros y fuents, no so que en o fundo d'as vals, sino tamién en as versants.

Son especies d'árbols tipicas de os sotos:

• O chopo, a tremolera y, en cheneral, toz os albars.
• Os albernices.
• A sarguera y, en cheneral, toz os salces.
• As avellaneras
• As tamarizas (infrecuents en l'Alto Aragón).
• Bel acirón, como Acer opalus.
• Os urmos.

Se veiga tamién

• Caixigar.
• Carrascal.
• Barda.

Referencias

• Datos: Q65396165