Santa Engracia (Taust)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Santa Engracia ye un lugar aragonés en o municipio de Taust, comarca de Cinco Villas y provincia de Zaragoza.[1]
| Santa Engracia | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} ZaragozaCinco Villas Taust |
| Partiu chudicial | Exeya d'os Caballers |
| Población • Total |
313 hab. (2004) |
| Codigo postal | 50660 |
| Parroquial • Archidiocesi • Arcipestrau • Parroquia |
Zaragoza Gallur Santa Engracia |
| Coordenadas | |
Historia
editarO Instituto Nacional de Colonización estió un organismo de l'Administración d'o Estau mientres a dictadura franquista, que subsistió como tal dica 1971 en que se fusionó con o Servicio de Concentración Parcelaria pa formar o IRYDA. L'obchectivo d'o Instituto de Colonización yera o de mover población enta tierras poco expleitadas (en muitos casos, por a mala calidat d'as mesmas) pa redistribuir a población rural. Son muitos os lugars creyaus mientres a epoca franquista por iste Instituto.
Santa Engracia estió o zaguer lugar de colonización construyiu en Aragón.[2] Entre 1971 y 1975 i arriboron 82 familias,[3][4] procedents de Navarra y d'as provincias aragonesas de Uesca y Zaragoza,[5] de poblacions como Boquinyeni, Bunyuel, Cabanyas, Camino Real, Castellón de Val de Chasa, Casetas, Cascajos, Cogullada, Lacorvilla, Exeya d'os Caballers, Erla, Fuents d'Ebro, Fustinyana, Gallur, Garrapiniellos, Chuslivol, Montanyana, Novillas, Ontinar de Salz, Pedrola, Santa Isabel, Sobradiel u Taust. En 1972 s'arribó a la cifra de 350 habitants.
En plegar ta o lugar, os habitants se troboron con importants dificultaz. A construcción de Santa Engracia heba rematau en 1961, pero no s'heban adchudicau as viviendas y tierras ("lotes") dica que o sistema de riego no yera operativo. Una decada d'albandono d'as viviendas feba que o lugar estase practicament en ruinas.[6][7]
A Chunta de Colonos que creyoron aquels vecins tenió como primer president a Justo Francés Pardo. En 1972 s'engueró a ilesia, en a parti mas alta d'o lugar. En ixe mesmo anyo se funda a Sociedat Cooperativa de Santa Engracia que tractaba de facilitar a crompa de material agrícola y a venda en común de productos d'o campo. En 1974 se construyoron a piscina y o merendero que se troba en o mesmo recinto, chunto a o campo de fútbol.
En 1977, a Chunta de Colonos dio paso a una Asociación de Vecins que no podió privar que Santa Engracia se convirtiera en un barrio de Taust, encara que bi habió intentos d'establir concello propio (de feito, teneba locals pa ixa administración local). En 1982, anyo en que os primers vecins aconsiguioron fer-se con a propiedat privada d'os lotes, se construyieron 38 nuevos chalés[2] en a zona mas amanada a las piscinas. En primerías d'o sieglo XXI continó enamplando o lugar por ixe mesmo puesto.
Demografía
editar
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Fiestas
editarAs primeras fiestas locals se facioron o 30 de setiembre de 1972.
Referencias
editar- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.448
- ↑ 2,0 2,1 Asín y Ona, 2007. Pach. 369
- ↑ Guarc, 2007. Pach. 146
- ↑ Guarc, 2010. Pach. 54
- ↑ Guarc, 2011
- ↑ Guarc,2010. Pach. 54
- ↑ González Cano, 1968. Pach. 28-31
Bibliografía
editar- (es) La Comarca pueblo a pueblo. Comarca de las Cinco Villas (Colección Territorio, nº 25). José Luis Asín García, Ona González. N. Asín García (Coord.). Diputación General de Aragón, Dpto. de Presidencia y Relaciones Institucionales. Pach. 345-372 ISBN=978-84-8380-037-9. Zaragoza, 2007
- (es) Los pueblos de colonización en las Cinco Villas: Una propuesta a las expectativas para su desarrollo. Carmen Fantacchiotti Gutiérrez. Revista Aragonesa de Administración Pública, 2008. Num. 32, pach. 321-368, ISSN 1133-4797
- (es) El Instituto Nacional de Colonización y su actuación en Cinco Villas. Comarca de las Cinco Villas (Colección Territorio, nº 25). José Guarc Pérez. N. Asín García (Coord.). Diputación General de Aragón, Dpto. de Presidencia y Relaciones Institucionales. Pach. 142-152, ISBN=978-84-8380-037-9
- (es) "Los pueblos de colonización: Sancho Abarca y Santa Engracia. Tauste y su historia: Actas de las IX Jornadas sobre la Historia de Tauste: 11 al 15 de febrero de 2008". Juan Guarc Pérez. Asociación Cultural "El Patiaz". Tauste (Zaragoza), 2010. Pach. 43-56. ISBN=978-84-613-9805-8
- (es) Sancho Abarca y Santa Engracia. Juan Guarc Pérez. 13 de noviembre de 2011.
| Lugars d'o municipio de Taust | |
|---|---|
| Sancho Abarca | Santa Engracia | Taust |
Datos: Q6120410
