Saigon Commandos
Saigon Commandos (títol orichinal en anglés, en aragonés Comandos de Saigón, enguerada en Aragón con o títol de Saigón Comandos) ye una cinta de cine estausunidense de cine d'acción policiaca ambientada en a guerra de Vietnam enguerada l'anyo 1988, dirichida por Clark Henderson seguntes un guión adaptau por Thomas McKelvey Cleaver (basau en una novela de Jonathan Cain), con una banda sonora orichinal de Samuel Ascunion y Noli Aurillo, una dirección de fotografía de Conrado Baltazar y Jun Pereira y una producción cinematografica a lu cudiau de John Schouweiler y Isabel Sumayao. Conta con un elenco formau por Richard Young, P. J. Soles, John Allen Nelson, Jimmy Bridges, Spanky Manikan, Joonee Gamboa, Willie Williams, Frederick Bailey, Pen Medina, Leo Martínez, Joe Mari Avellana, Steve Rogers, Ronnie Paterson, Earl Palma, Lupo Gosengfiao y David Giberson, entre d'atros actors.
Una unidat d'as United States Army Special Forces ye desplegada en Saigón mientres a guerra de Vietnam os anyos 1970, y la novia d'uno d'o sus miembros ye asasinada, y Mark Stryker decide investigar o caso en parar cuenta d'a ineptitut d'as autoridaz vietnamitas, que poseyen a churisdicción sobre lo caso en estar l'asasinada una vietnamita. Mark deserta y contacta con Jean Lassiter, una periodista estausunidense que ye investigando tamién una serie de crímens connectaus con o mundo d'o narcotrafico d'os cuals iste parixe fer parte. Entre toz dos descubren vinclos entre lo narcotrafico y los asasinatos y bels politicos vietnamitas corruptos, pero bien luego asasinan a lo hefe de Mark y l'acusan a él de l'asasinato. Tanimientres, os narcotraficants tamién han secuestrau a Jean, y lo primer obchectivo de Mark ye de liberar-la, tenendo que amagar-se d'os suyos antigos companyeros que lo creyen culpable de l'asasinato d'o comandant y de bels atros crímens.
A cinta s'ambienta en os anyos 1970 en Saigón en Vietnam d'o Sud (hue Ciudat Ho Chi Minh, en Vietnam) mientres a guerra de Vietnam, y las suyas escenas se filmoron integrament en Filipinas[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q123139075
