Abrir menú principal
Periodistas treballando

Un periodista ye una persona que se dedica profesionalment a o periodismo. A suya faina consiste en replegar y difundir información sobre fetas actuals, a chent, as tendencias y os problemas.

Os tipos de periodismo pueden ser muitos: periodismo scientifico, periodismo dichital, prensa rosa, fotoperiodismo, etc. As fetas que un periodista recenta a o publico son significativas en ambitos como a politica, a economía u a cultura. Ixo le da un poder a os periodistas (por iste motivo a profesión ye a sobén descrita como o quarto poder, en alusión a os tres poders constitucionals) en o proceso de formación d'a opinión publica y en a influyencia que a revelación d'istas fetas puet tener en as posturas d'iste publico.

Con a revolución dichital apareixerían tres formas de fer periodismo: o periodismo tradicional, o periodisme participativo (visto en a dita Web 2.0, a on os ciudadans cheneran os suys propios canals de distribución, como, por eixemplo, o blog), y o periodismo ciudadán, que ye emplegau por os medios tradicionals que demandan a la ciudadanía compartir con ells noticias que olcurren en o suyo arredol con informes d'audio, fotos u vidios.