Purroi (Zaragoza)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo tracta sobre Purroi, lugar de la Comunidat de Calatayú. Pa atros emplegos de lo toponimo Purroi, veyer Purroi (desambigación).
Purroi (en castellano Purroy) ye un lugar de lo municipio de Morés, en la provincia de Zaragoza, situato en la comarca de la Comunidat de Calatayú.
| Purroi | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} ZaragozaComunidat de Calatayú Morés |
| Partiu chudicial | L'Almunia de Donya Godina |
| Población • Total |
19 hab. (2018) |
| Codigo postal | 50247 |
| Parroquial • Diocesi • Arcipestrau • Parroquia |
Tarazona Baixo Xalón Ntra. Sra. d'os Remeyos |
| Coordenadas | |
La suya población ye de 19 habitants (2018).
Cheografía
editarYe situato en un pueyo chicot y de tonalidaz royencas cerca de lo río Xalón y tamién cerca d'atros pueyos y releus mes grans de calsinera.
Toponimia
editarLo toponimo Purroi ye una contracción de Pui Roi, que ye atra contracción, contracción de Pueyo Royo con apocope y simplificación de lo diftongo. Purroi se troba como macrotoponimo tamién en la part catalanoparlant de Ribagorza ("Purroi de la Solana" tamién explicable dende la fonetica de lo catalán ribagorzano). Tamién se troba como microtoponimo en Os Monegros (Punta de Purroi), un pueyo de 632 metros d'altaria que bi ha entre Pallaruelo de Monegros y Monegriello.
Historia
editarA mitat de lo sieglo XIV toz los suyos habitants yeran moros.[1]
Lo 13 de chinero de 1609 lo rei Felipe III d'Espanya concedió lo títol de "barón de Purroi" a lo merino d'Estella don Juan de Chavarry y Laín, qui heba comprau esta localidat un anyo antes de la publicación de l'edicto d'expulsión de los moriscos.[2] En 1610, cuan se decretó esta expulsión los moriscos yeran 44 familias y los cristianos 3, por lo que lo barón de Purroi trayó pobladors de Torralba de Ribota. Lo día 3 de marzo de 1611 se firmó la "carta de población" entre los nuevos pobladors cristianos y lo barón. Posteriorment fuoron arribando habitadors de mas lugars d'a zona como Sabinyán y Arandiga.
Fiestas
editarAs fiestas mayors se celebran o 16 d'agosto en honor a Sant Roque y o 13 d'aviento en honor a Santa Lucia.
Tamién se celebra una romería o segundo sabado de mayo a la ermita de Sant Blas, en o termín de Sabinyán.
Referencias
editar- ↑ (es) Juan F. Utrilla Utrilla La población de Calatayud y su comunidad de aldeas, escrito en La población de Aragón en la Edad Media (Siglos XIII-XV) CEMA, Leyere Editorial, 2004. p 422
- ↑ (es) Yagüe Guirles, Ángel F., Borrás Gualis, Gonzalo M., Lacarra Ducay, M.ª Carmen: Torralba de Ribota. Remanso del mudéjar Cuadernos de Aragón, 50. Institución Fernando el Católico, 2011. ISSN 0590-1626, pp 27-28
Se veiga tamién
editarVinclos externos
editar
