Estella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estella (Lizarra en basco) ye un municipio de Navarra situato a una distancia de 44 km de Pamplona. La suya población ye de 13.702 habitants (2015), en una superficie de 15,39 km² y una densidat de población de 889,86 hab/km².

Estella Lizarra
Municipio de Navarra
Entidat  • Estau  • Comunidat  • Comarca	Municipio  Espanya  Navarra Tierra d'Estella Oriental
Superficie	15,39 km²
Población  • Total	14 195 hab. (2013)
Altaria  • Meyana	421 m.
Distancia  • 44 km	enta Pamplona
Alcalde	Begoña Ganuza Bernaola
Codigo postal	31200
Coordenadas
Estella Estella en Navarra
Web oficial

Historia

La ciudat s'establió cerca de lo primitivo burgo de Lizarra, reconquiesto por Sancho Garcés I en l'anyo 914. En l'anyo 1090 lo rei Sancho Remíriz de Pamplona y Aragón decidió fomentar l'asentamiento n'este lugar de francos (comerciants, hombres libres de lo vasallache a nobles y eclesiasticos), ya que caleba una población mas gran pa atender a los pelegrins de lo camín de Sant Chaime. Cambió un poquet lo camín pa que pasase por Lizarra, y construyó un castiello y creyó una nueva población en la marguin dreita de lo río. Se rodeyó de murallas y lo mismo anyo se concedió un fuero basato en lo de Chaca, autorizando l'establimiento de "francos" (chent provinient de Francia, pero en la suya mayor part occitans), pero sozmetendo la de los navarros a l'aprobación reyal.

Posteriorment, en 1187, Sancho lo Sabio decidió poblar con navarros y atras chents una de las tierras de lo costato, clamada de Sant Chuan, concedendo a los nuevos habitadors un fuero igual a lo que teneba la ciudat, redactato en 1164. En 1188 concedió lo fuero a lo barrio d'Arenal. Coexistioron, por tanto, tres nuclios de población diferents, que s'unioron en un municipio unico en 1266.

Los descendients de los francos que se i establioron mantenioron lo emplego de l'occitán cispirenenco dica lo sieglo XVI, feito favorexito por que en los lugars d'arredol se charraba basco en la Edat Meya y no una luenga romance como en atros lugars de Castiella, Navarra y Aragón on i habió "francos".

Demografía

Evolución demografica

2012 2013 2014 2015 2016 2017 2018 2019 2020 - - - 13.702 - - - - -

2021 2022 2023 2024 2025 2026 2027 2028 - - 13.977 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Molimentos

• Basilica de Nuestra Sinyora d'el Pui, con nombre occitán. L'actual basilica substituye a una atra anterior d'estilo barroco. La ilesia aculle una imachen sedent d'a Virchen d'el Pui, patrona d'a ciudat, chapeyata en plata y datable en lo sieglo XIV. Amás, son piezas escultoricas dignas de mencionar dos imáchens de Cristo crucificau, feitas en o sieglo XVII.
• Ilesia de Sant Per d'a Rúa d'Estella.
• Ilesia de Sant Miguel Arcánchel d'Estella, una ilesia en estilo romanico.

Veyer tamién

• Lista de municipios de Navarra.

• Datos: Q646620
• Multimedia: Estella/Lizarra / Q646620