Peduco
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un peduco (u por un regular en a forma plural, peducos, d'o latín *pedūcu), ye o nombre que recibe un tipo de calcetín curto feito de lana u de punto, utilizau por a chent, como pieza d'abrigo ta no tener fredor en os piez en o leito u adintro de casa.
Peducos de ninón editar
Actualment, tamién s'usa o termín ta un tipo de calcero sin de suela ta os ninons, en forma de boteta, que se teixiba a man en punto y que feba parti d'o ixovar reuniu mientres o periodo de l'embarazo.[1]
O feito de que no aparezcan referencias literarias, -con o significau de "peducos de ninón"- anteriors a la segunda metat d'o sieglo XIX, fan suposar que iste uso, d'o termín peduco, siga relativament recient.[2] Dillá de l'analisi lingüistico y ya en o plan etnografico-historico, a propia indumentaria d'os ninons, totalment faixaus mientres os primers meses, fan poco probable pensar en a existencia d'ista pieza de calcero infantil antis d'o debantdito periodo (meyaus d'o sieglo XIX), cuan a vestimenta d'os ninons desenvolica una variedat reforzada por diversos cambeos tecnolochicos y socials.[3]
Atros usos editar
Iste termín s'emplega asinas mesmo ta o calcero antiseptico d'un solo uso emplegau en os equipos quirurchicos y en os controls de seguridat en aeropuertos. Por extensión puet emplegar-se ta denominar calzaus d'os animals de companyía y, en o contexto esportivo, como un calcetín especial de ciclismo.[4]
Referencias editar
- ↑ (es) Gran enciclopedia punto y costura: ganchillo, bordado y trabajos manuales. Sarpe, 1979, Madrid, ISBN 8472911128
- ↑ (es) Patuco en el CVC. 13 de chunio de 2015. Biblioteca Virtual Miguel de Cervantes
- ↑ (es) La evolución de la ropa infantil. 13 de chunio de 2015
- ↑ (en) Intervención en la atención sociosanitaria en instituciones. Octubre de 2008. Editorial Vértice, ISBN 978-84-92598-81-6. Pach. 174
Vinclos externos editar
Se veigan as imáchens de Commons sobre os peducos.
