Praga

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Praga (Praha en checo) ye a capital d'a Republica Checa y a principal ciudat d'o país. Ye tamién un districto especial en l'administración checa, y ye tamién a capital d'a rechión de Bohemia Central, y d'a rechión historica de Bohemia.

Praga Praha
Ciudat estatutaria d'a Republica Checa
Anvista de Hradcany d'hibierno.
Estau  • Rechions de Chequia  • Districtos	Republica Checa Bohemia Central y Praga 22 districtos
Superficie	496 km²
Población  • Total  • Densidat	1267449 hab. (2016) 2.387 hab/km²
Altaria  • Meyana	177 - 399 m.
Codigo postal	100 00 a 199 00
Ríos	Vltava
Coordenadas
Praga Praga en Republica Checa
Web oficial

Tien una población de 1.183.179 habitants en 2005 (ye a ciudat con mayor numero d'habitants d'o país), una superficie de 496 km² y una densidat de población de 2.387 hab/km². Por o centro d'a ciudat discurre o río Vltava (en alemán Moldau).

Ye una ciudat en o centro d'Europa que estió siempre un puesto de trobada de diferents corrients culturals, historicas y politicas. Praga estió a capital d'o Reino de Bohemia y una important ciudat d'o Sacro Imperio Romano Chermanico, a mas d'estar a capital de Checoslovaquia. A historia d'a ciudat permitió que bi hese tres comunidaz etnicas importants: os checos (a población autoctona), os alemans y os chodigos askenazís, exterminatos de raso por o nazismo en a Segunda Guerra Mundial.

Por ixe motivo, Praga tien un important patrimonio arquitectonico, con edificacions romanicas, goticas, barrocas, rococo, modernistas y cubistas; en os anyos 1920 estió uno d'os principals centros culturals en Centroeuropa. O centro urbán de Praga fue declarato por a UNESCO Patrimonio d'a Humanidat en 1992. Fa parte d'a Organización d'as Ciudaz d'o Patrimonio d'a Humanidat.

Etimolochía

Seguntes a falordia la princesa Libušy veyió muitas profecías mientres estió en o suyo castiello Libušín, que se troba en o centro de Bohemia. En una d'istas profecías ella preveyeba la gloria de Praga. Asinas ella tenió una visión:

Veigo una gran ciudat, que la suya gloria se tocan las estrelas! Veigo un puesto enmeyo d'una selva an una empinada cingla s'eleva sobre lo río Vltava. I hai un hombre, que ye en o branquil (prah) d'a casa.

Asinas un castiello clamau Praga (Praha) se construyió en iste puesto.

Atros historiadors afirman que lo nombre d'a capital tien o suyo orichen en a parola eslava Prga, que significa «farina turrada», a causa de l'aridez d'o puesto triau pa construyir o castiello de Praga.?

Per zaguer beluns opinan que l'orichen ye la parola checa Prahy, que significa «rapidos», per los rapidos d'o río Vltava, a las suyas marguinas s'asienta la ciudat.

Clima

O clima de Praga ye continental. A temperatura meya anyal ye de 8-9 graus centigrados. L'hibierno ye rigoroso encara que no excesivament severo y relativament ixuto, estando la temperatura meya en os meses d'hibierno de bels zero graus.

A primavera ye fresca a lo prencipio y se torna templada y humida seguntes s'amana lo verano, aconseguindo los 16-17 graus en chunyo de meya y sobreixendo los 70 mm de precipitación. L'estiu no ye excesivament calido, sobreixendo liucherament os 18 graus de meya en os meses de chulio y agosto, encara que ye habitual superar os 25 graus. As precipitacions aconsiguen lo suyo punto maximo en chulio y empecipian a descender en o mes d'agosto.

L'agüerro de Praga ye templau y moderadament ixuto, con precipitacions semellants a las de l'hibierno y la primavera, encara que lo mes de noviembre ye pro fredo, con menos de tres graus centigrados de meya.

Demografía

A población de Praga ye d'aproximadament 1.200.000 habitants, lo que suposa bel poquet mas d'o 10% d'a población d'o país. La ciudat tenió una explosión demografica entre lo sieglo XIX a causa d'a suya florada economica y cultural. A población pasó de mica mas de 157.000 habitants en 1850 a mas de 500.000 en l'anyo 1900.

Organización administrativa

Destritos de Praga en anglés

Dende 2001 Praga se trestalla administrativament en 22 destrictos, que son numeraus de l'1 a lo 22. En os retulos an amaneixe lo nombre d'as carreras se puede veyer lo numero de destricto a lo cual perteneixe la vía. A la suya vegada estes 22 destrictos se trestallan en 57 municipalidaz, d'as cuals nomás 4 perteneixen a lo Praga historico (Staré Mesto, Nové Mesto, Malá Strana y Hradcany). Cadaguna d'ellas tiene los suyos propios representants electos y competencias:

Turismo

Praga ye considerada como una d'as ciudaz mas bellas d'o mundo y recibe per ixo gran cantidat de turistas.

Praga en l'hibierno

Educación

En Praga se troba la seu d'a Universidat Carolina de Praga.

Localidaz achirmanatas

• 1992: Buenos Aires (Archentina).
• 1994: Berlín (Alemanya)
• Chicago (Estaus Unius).

Galería d'imachens

• Praga - Praha
• 
• 
• 
• 
• 
• 
• 
• 
• 
• 

Vinclos externos

• Se veigan as imáchens de Commons sobre Praga.

• Datos: Q1085
• Multimedia: Prague / Q1085