Pociello

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pociello ye un lugar de Ribagorza situau a 4 km de Capella, pertenecient a este municipio. En 2018 a suya población yera de 13 habitants.

Pociello
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Ribagorza Capella (Uesca)
Partiu chudicial	Balbastro
Población  • Total	13 hab. (2018)
Altaria  • Meyana	545 m.
Distancia  • 4 km	enta Capella
Codigo postal	22480
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°12’ 5’’N 0°26’31’’E
Pociello Pociello en Aragón

Cheografía

Ye situau chunto a lo barranco d'el Rurar.

Molimentos

• Ilesia romanica d'os sieglos XII-XIII, de zaguerías d'o sieglo XII u entradas d'o XIII.
• Ermita d'el Miralpeix d'orichen romanico.
• Ermita de Sant Sebastián (municipios Laguarres-Pociello).

Parla

La suya parla se considera catalán y fa parte d'as parlas de transición d'o baixo Isabana. Curiosament o nombre d'o lugar ye aragonés. Este toponimo y atros pueden testimoniar que fa uns sieglos bel carácter de l'aragonés como a diftongacion d'a E curta latina teneba vichencias en las parlas de transición entre aragonés y catalán. A parla de Pociello se troba en un cruce d'isoglosas entre l'aragonés y lo catalán, en una zona de transición entre as dos lenguas, d'os rasgos que se fan servir en a localidaz s'observa que se trata d'un catalán de transición enta l'aragonés con buena cosa de rasgos foneticos y lexicos aragoneses pero con predominio d'os rasgos catalans, anque no existe acuerdo cheneral sobre este asunto. Enta l'este se troba Llaguarres, que fa servir un dialecto de transición con mayor cantidat de rasgos catalans y enta l'ueste se troba Capella que ya ye considerau unanimement como aragonés ribagorzano. As isoglosas entre as dos lenguas podrían pasar entre Capella y Pociello.

Referencias

• Datos: Q964560