Llaguarres

Llaguarres (en castellano Laguarres) ye un lugar aragonés d'a comarca de Ribagorza situau a 7 km de distancia de Capella, pertenecient a este municipio. En 2018 a suya población yera de 66 habitants.

Llaguarres
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Ribagorza Capella (Uesca)
Partiu chudicial	Balbastro
Población  • Total	66 hab. (2018)
Altaria  • Meyana	611 m.
Distancia  • 96 km  • 7 km	enta Uesca enta Capella
Codigo postal	22587
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Asumpción de Ntra. Sra.
Coordenadas	42°12’ 2’’N 0°28’ 0’’E
Llaguarres Llaguarres en Aragón

Parla

A suya parla se considera catalán y fa parte d'as parlas de transición d'o baixo Isabana. Llaguarres se troba en un cruce d'isoglosas entre el l'aragonés y o catalán, en una zona de transición entre as dos lenguas. D'os rasgos que se fan servir en a localidat, se puede observar que se trata d'un catalán de transición enta l'aragonés con buena cosa de rasgos foneticos y lexicos aragoneses pero con predominio d'os rasgos catalans chunto con bel rasgo local propio d'a zona d'a Ribagorza aragonesa.

O lugar de Llascuarre presenta un modelo de lengua de transición pero con mayor numero de rasgos catalán, per l'atro costau se troba Pociello que presenta menos rasgos catalans y Capella que ya charra aragonés ribagorzano.

Toponimia

Curiosament o nombre d'o lugar, d'orichen basco (con a radiz gorri), podría tener fonetica aragonesa, ya que tien una diftongación en -ua-, producto d'a metafonía, como en bergotés y aragonés de Vallivió:

• GORRI > guarre.

Sierra del castiello de Llaguarres

Molimentos

• Ermita romanica d'o sieglo XII.
• Ilesia gotica aragonesa d'o sieglo XVI.
• Maruenyo d'o castiello.

Cultura popular

Antes mas pa privar de trobar-se a las bruixas no le'n nombraba aquels días d'a semana que contienen a letra "r" y se feba una cruz en o suelo mientres se deciba "cruz, barruz, cruz, barruz".

Referencias

• Datos: Q3573202
• Multimedia: Laguarres / Q3573202