Opuke

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Opuke Mount Hutt
Opuke
Situación
Situación	Nueva Zelanda
Latitut	43° 28′ 18″ S
Lonchitut	171° 31′ 34″ E
Vértiz cheodesico	Error d'expresión: operador / no asperau/0.pdf
Cheografía
Cordelera	Alpes d'o Sud
Sierra
Macizo
Altaria	2.190 m
Primera puyada
Ruta mas fácil
Mapa

L'Opuke (nombre maorí, en anglés Mount Hutt) ye un mont situau a l'este d'as planas de Canterbury en a Isla d'o Sud de Nueva Zelanda, sobre l'alta val d'o río Rakaia y a 80 kilometros a l'ueste de Christchurch. A suya cima se debanta a 2.190 metros sobre o livel d'a mar.

Estación d'esqui editar

O mont ye seu d'una estación d'esquí alpín que representa a mayor aria esquiable d'a Isla d'o Sud (3,65 kilometros cuadraus), con un desnivel maximo de 683 metros.^[1]

As instalacions son aptas ta un amplo rango d'esquiadors, con una cinta ta prencipiants, pistas ta esquiadors con livel intermeyo u enantau y acceso a grans zonas difuera de pista. As pistas de mas livel d'a estacion son as que pasan entre a formación rocosa conoixida como "The Towers" (en aragonés "As Torres") y a cara sud d'o pico.^[2] Entre os remontadors d'a estación se troba una telecadiera de seis plazas, un atra de cuatre, un atra triple y una cinta.^[1].

A temporada d'esquí va de chunio a octubre. Mount Hutt ye argüellosa d'haber estau siempre historicament a primera estación d'esquí en ubrir cada temporada. Manimenos, a empinada carretera d'acceso de trece kilometros fa que haiga d'estar zarrada constantment por o mal orache, lo que fa que siga conoixida con a embotada de "Mount Shut" (en aragonés "Mont Zarrau"). O 12 d'agosto de 2010, bi habió vientos de dica 200 km/h, fendo que a carretera d'acceso hese d'estar zarrada y deixando a 1.200 personas isoladas toda a nueit en a montanya, on habioron de pernoctar en os edificios d'a base d'a estación. A carretera tornó a ubir-se o día siguient.^[3]

En no existir aloxamiento en a propia estación, a mayoría de vesitants gosan aloxar-se en a vecina Methven, a 35 menutos en auto dende a estación. A localidat d'Ashburton ye a 55 menutos y a ciudat de Christchurch a una hora y 45 menutos.

A estación d'esquí de Mount Hutt ye chestionada por a interpresa NZSki chunto con as estacions de Coronet Peak y The Remarkables en Queenstown. O mont Hutt fue nombrau por o topografo Joseph Thomas d'a Canterbury Association en honor de John Hutt, un d'os primers miembros d'ista asociación.^[4]

Fauna editar

Mientres os meses de verano se pueden trobar cuatre especies diferents de saltapericos alpins en l'aria que ocupa a estación. Entre istos son incluyius o Sigaus villosus, que puede trobar-se en as crestas, o Brachaspis nivalis, que vive en as tarteras de cantals, o Sigaus australis y o Paprides nitidus que viven en os praus de tussock.^[5]