Myotis daubentonii

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Myotis daubentonii
Un murciacalo de ribera (Myotis daubentonii).
Denominacions populars
murciacalo de ribera
Estau de conservación

Seguro (IUCN)
Clasificación cientifica
Animalia
Chordata
Mammalia
Chiroptera
Vespertilionidae
Myotis
M. daubentonii
Descripción
Myotis daubentonii
Kuhl, 1817
Distribución cheografica
Distribución d'o murciacalo de ribera.

O murciacalo de ribera[1] (Myotis daubentonii (Kuhl, 1817)[2]) ye un mamifero d'a orden d'os Chiroptera y familia Vespertilionidae que ye una especie de grandaria meyana a chicota. Lo pelache molsudo d'o murciacalo ye griso pardisco en a esquena y griso platiau en a parti inferior. Os chuvenils tienen un pelache mas fosco que os adultos. Os murciacalos tienen caras y nasos de color rosa royenca, pero l'aria arredol d'os uellos ye espullada. Cuan s'esbatulla lo murciacalo, as orellas se mantienen en anglo dreito. As alas y a bienza d'a coda son de color parda fosca.

Per un regular, mide de 45 a 55 mm de luengo, con una envergadura promeyo de 240 a 275 mm y pesa entre 7 y 15 g.

Lo murciacalo se troba sobretot en selvas y a tota hora tría dormideros amán de fuents d'augua como ríos u canals.

As colonias de verano se forman en espelungas, túnels, suterranos, menas y debaixo de puents. Istas colonias tamién son de cutio amán de l'augua. Lo murciacalo de ribera hiberna en o mesmo tipo de puestos dende setiembre dica zaguerías de marzo u abril.

Ye insectivoro y fa servir a ecolocalización pa trobar presas y orientar-se de nueiz. Os murciacalos emiten sonius con una frecuencia masiau alta pa que os humans os detecten y interpretan os ecos creyaus pa construyir una imachen sonora d'o suyo entorno. Lo murciacalo de ribera emite clamadas d'ecolocalización a frecuencias entre 32 y 85 kHz, encara que as clamadas tipicas alcanzan un maximo de 45 a 50 kHz; as clamadas tienen una durada de 3,3 ms.[3]

Referencias editar

  1. (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (I), Fuellas 249, Consello d'a Fabla Aragonesa, 2019, ISSN 1132-8452, pp. 10-15.
  2. (en) Kruskop, S.V.; Godlevska, L.; Bücs, S.; Çoraman, E.; Gazaryan, S. (2021). "Myotis daubentonii". IUCN Red List of Threatened Species. 2020: e.T85342710A195858793.
  3. (en) Obrist, Martin K.; Boesch, Ruedi & Flückiger, Peter F. (2004). "Variability in echolocation call design of 26 Swiss bat species: consequences, limits and options for automated field identification with a synergetic pattern recognition approach". Mammalia. 68 (4): 307–322. doi:10.1515/mamm.2004.030. S2CID 86180828.

Vinclos externos editar