Islam

(Reendrezau dende Musulmana)
Articlo d'os 1000

O Islam, que en arabe (إسلام) significa "chusmesa", ye una d'as tres grans relichions monoteístas, chunto con o chudaísmo y o cristianismo, y la tercera por orden cronolochico. A la persona que practica o Islam li se clama musulmán, u tradicionalment "moro" (d'o latín < MAURUS "habitant de Mauritania)[1].

Silueta d'una mezquita, templo d'o Islam.

T'os creyents, l'Islam procede d'a revelación feita a lo profeta Mahoma (u más correctament en arabe "Muhammad") por Dios en a ciudat d'A Meca en o sieglo VII a traviés de l'arcánchel Sant Gabriel, y no ye una nueva relichión, so que a mesma verdat que Dios ha revelau a traviés de totz os suyos profetas a cada pueblo, revelación que se troba recullita en l'Alcorán, que ye o libro sagrato de l'Islam. Os devotos consideran que o Islam ye a la vegata una relichión y una forma plena de vida, amenistando-se que lo creyent se someta a la voluntat de Dios ta trobar asinas la suya salvación. Consideran que Mahoma ye un profeta que contina la linia de profetas anteriors como Abrahán (Ibrahim, en arabe), Moisen (Mussa en arabe) y Chesús de Nazaret (Issa en arabe), encara que la linia mayoritaria islamica considera tamién que lo mensache transmitiu por los profetas anteriors ha estau alterau y que Mahoma ye qui recupera lo mensache orichinal y autentico en a suya perfección, zarrando asinas lo ciclo iniciau con Abraham. En conseqüencia, afirman que las palabras pronuciadas por lo profeta Mahoma y los suyos actos constituyen un modelo que qualsiquier musulmán ha de seguir, estando las palabras d'o profeta Mahoma recullidas en los hadits, que son quasi tan sagraus como en ye l'Alcorán, constituindo lo conchunto d'Alcorán y hadits la clamada sunna u tradición islamica.

ReferenciasEditar

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.315

Vinclos externosEditar