Mugas d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As mugas d'Aragón son as siguients:

Muga con Francia editar

Ta más detalles, veyer l'articlo muga entre Aragón y Francia

A muga entre Aragón y Francia tien una largaria de 136 kilometros^[1] y desepara os dos territorios dende a Meseta d'os Tres Reis a l'ueste, en a muga con Navarra, dica o Cap dera Picada, a l'este en a muga con a val d'Arán.

Muga con Navarra editar

Ta más detalles, veyer l'articlo muga entre Aragón y Navarra

A muga entre Aragón y Navarra tien una largaria d'alto u baixo 260 kilometros^[2] y desepara os dos territorios dende a Meseta d'os Tres Reis a o norte, en a muga con Francia, dica o Mollón de los Tres Reyes, a o sud en a muga con La Rioja.

Muga con La Rioja editar

Ta más detalles, veyer l'articlo muga entre Aragón y La Rioja

A muga entre Aragón y La Rioja desepara os dos territorios dende o Mojón de los Tres Reyes a o norte, en a muga con Navarra, dica o cruce de l'arroyo de Valverde a o sud, en a muga con Castiella. Con nomás 6,10 kilometros^[2], ye a muga más chicota d'Aragón.

Muga con Castiella editar

Ta más detalles, veyer l'articlo muga entre Aragón y Castiella

A muga entre Aragón y Castiella tien una largaria d'alto u baixo 360 kilometros^[2] y desepara os dos territorios. Actualment se divide en dos sectors prencipals, marcaus por a muga entre Aragón y Castiella y Leyón, más a o norte, y a muga entre Aragón y Castiella-La Mancha, más a o sud. Iste segundo sector ye trestallau a la vegada por un trampo de muga entre Aragón y o País Valenciano, en o Rincón d'Ademuz.

Muga con o País Valenciano editar

Ta más detalles, veyer l'articlo muga entre Aragón y o País Valenciano

A muga entre Aragón y o País Valenciano tien una largaria d'alto u baixo 352 kilometros^[2] y desepara os dos territorios.

Se divide en dos trampos. O prencipal, de 287 kilometros de largaria, va dende o norte en o Tozal dels Tres Reis, en a muga con Catalunya, dica a Umbría de Penya Blanca, a o sud, en a muga con Castiella-La Mancha. O segundario lo forman os 65 kilometros de muga con o Rincón d'Ademuz.

Muga con Catalunya editar

Ta más detalles, veyer l'articlo muga entre Aragón y Catalunya

A muga entre Aragón y Catalunya tien una largaria d'alto u baixo 354 kilometros^[2] desepara os dos territorios dende o puerto de la Picada a o norte, amán d'a muga con Francia, dica o Tozal dels Tres Reis a o sud, en a muga con o País Valenciano.

Mugas por largaria editar

Posición	Muga	Largaria
1	Aragón-Castiella - Con Castiella-La Mancha - Con Castiella y Leyón	360 km 206 km 154 km
2	Aragón-Catalunya	354 km
3	Aragón-País Valenciano - Prencipal - Con Rincón d'Ademuz	352 km 287 km 65 km
4	Aragón-Navarra - Prencipal - Con Petiella d'Aragón - Con Bastanes	260 km 225 km 21 km 14 km
5	Aragón-Francia	136 km
6	Aragón-Rioja	6 km
Total		1.468 km

Referencias editar

↑ (es) Región de Aragón. Asociación de Regiones Fronterizas Europeas (ARFE)
↑ ^2,0 ^2,1 ^2,2 ^2,3 ^2,4 Medición de distancia con Google Maps

Se veiga tamién editar

Cheografía d'Aragón

Mugas d'Aragón
Castiella \| Catalunya \| Francia \| Navarra \| Rioja \| País Valenciano

[1] (es) Región de Aragón. Asociación de Regiones Fronterizas Europeas (ARFE)

[dist-2] 2,0 ^2,1 ^2,2 ^2,3 ^2,4 Medición de distancia con Google Maps

[1]

[2]