Morrena de Santa Helena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A morrena de Santa Helena ye una morrena lateral glacial situada chunto a la gorga de Santa Helena y baixo a ermita de Santa Helena. La creyó o glaciar d'o Galligo que baixaba dende a val de Tena dica a Tierra de Biescas.

Morrena con o fuerte de Santa Helena de fundo

Depositos morrenicos

Formación

Mientres o maximo d'o Pleistoceno, o glaciar d'o Galligo gosaba tener una lorgaria de dica 44 km, estendillando-se dende os altos picos d'a val de Tena dica a plana entre Senegüé y Samianigo. A suya fondaria en bels puntos yera de dica 400 metros. L'amplaria, entre Gavín y Sobremont plegaba a os 4 kilometros. A gorga de Santa Helena, un estreito entre as sierras interiors pirenencas d'a Partacua y Tendennera, yera un tapón que feba que o chelo s'acumulase dica os 1.800 metros d'altaria. O chelo avanzaba encaixonau por a gorga por a resistencia d'os materials calcarios, cretacicos y paleocenos, que la forman, por o que l'augua de subfusión remató escavando a estreita gorga subglaciar.

Tras trescruzar a gorga, o chelo se trobaba con turbiditas eocenas, muito mas blandas y facilment erosionables, permitindo que os chelos s'estendillaran por as vals laterals. As morrenas laterals como istas se troban en as vals correspondients a os barrancos afluyents a la val prencipal, en iste caso o barranco de l'Asieso.

Se veiga tamién

• Morrena de Senegüé

Vinclos externos

• (es) El glaciar del Gállego y los erráticos de Susin. Revista Serrablo.
• (es) Geología. La morrena de Senegüé y el plutón de Panticosa. Ansar Aragón.
• (es) El valle glaciar del Gállego. Peña Guara. Club de Montaña de Huesca

Referencias

• Datos: Q97245645