Mesón de Ligüerre
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Mesón de Ligüerre[1] ye una aldeya aragonesa d'o municipio de l'Abizanda, en a provincia de Uesca y a comarca de Sobrarbe. A suya población yera de 3 habitants en 2016.[2]
| Mesón de Ligüerre | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} UescaSobrarbe L'Abizanda |
| Partiu chudicial | Boltanya |
| Población • Total |
3 hab. (2016) |
| Altaria • Meyana |
475 m. |
| Distancia • 92 km • 6 km • 18 km |
enta Uesca enta L'Abizanda enta l'Aínsa |
| Codigo postal | 22393 |
| Patrons | Santa María de l'Asumpción |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Ríos | Susía |
| Coordenadas | |
| [www.LigüerreDeCinca.com Web oficial] | |
Yera una aldeya de Ligüerre de Cinca, naixida en a carretera tradicional que une Balbastro con l'Aínsa, en a que se brindaba servicios a os viachers a piet de carretera. Se troba a 2 km de Ligüerre.
Cheografía
editarO Mesón de Ligüerre se troba en a ribera d'o río Susía, en o zaguer trampo d'antes que desemboque en l'pantano de o Grau, en a man solana de o tozal de Sant Mitier. Cuan o pantano ye altero, l'augua d'a coda gosa penetrar dica debaixo d'o puent d'a carretera, a ran de lugar. No ye adintro d'a valle d'a Cinca porque a parte a on ye se troba deseparada d'o corso d'ixe río por o tozal de Sant Mitier.
Atraviesa o nuclio un troz de l'antiga carretera Balbastro-l'Aínsa, en una curva d'a cual se trobaba o Mesón.[3] A carretera actual, l'A-138, esnaviesa bels metros por difuera de lugar.
Estructura urbana
editarForman o nuclio tres edificios, un por cada costau de a chuntura d'a carretera de Ligüerre con l'antiga carretera Balbastro-l'Aínsa. Con a cesión d'os edificios y terrenos a'l sindicato UGT, en os anyos 1980, os edificiós se recontruyón y se plantificón ta que fuesen a dentrada d'o complexo vacacional de Ligüerre de Cinca, a piet de carretera porque o lugar ye un poquet mas luent, y se les i adhibió un cámping.
Una d'as casas ye l'antiga masadería, reconvertida en albergue.[3][4] Adebant d'ella i ha la recepción d'o complexo vacacional de Ligüerre, que tamién ofreix servicios de bar. A tercer construcción ye l'antiga ferrería, reconvertida en un centro social.[3]
Historia
editarO Mesón de Ligüerre naixió, probablement y como o suyo nombre indica, como un mesón en a carretera d'entre Balbastro y l'Aínsa, a on que se daba servicio a os viachers. Pendeba de l'achuntamiento de Ligüerre, a suya cabecera tradicional.
Dende meyanías d'o sieglo XX, a progresiva motorización d'os transportes fizo que, cada vegada, a chent precisase menos paradas y hospedaches en a carretera, por o que o Mesón fue cayendo de fumo. En a decada de 1960, a expropiación d'o nuclio de Ligüerre, con vistas a la inauguración d'o pantano de o Grau, fizo que as casas se zarrasen definitivament. A Confederación Hidrografica de l'Ebro s'expropió os edificios y as fincas agricolas, por o que a partir d'alavez fizon parte d'o patrimonio de a Confederación.
Dende 1986, en que a Confederación Hidrografica fizo efectiva a cesión d'os terrenos a la Unión General de Trabajadores, en o Mesón de Ligüerre s'ha feito obras d'adecuación d'os edificios, que no se trobaban en estau tan ruinoso como beluns en Ligüerre, ta adaptar-los a la suya función actual.
En l'actualidat, o Mesón cuenta con un cámping de 150 parcelas, bungalows y servicios, un albergue-fonda, con habitacions, un bar restaurant y un centro social.[3]
Demografía
editar
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Imáchens
editar-
A recepción y l'albergue -
-
A ferrería
Fiestas
editar- 15 d'agosto, Fiesta Mayor fendo-le honras a l'Asumpción de María, que tradicionalment se celebraba en chunto con os habitants de Ligüerre.
Referencias
editar- ↑ (es) TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
- ↑ (es) «Mesón de Ligüerre» en a subpachina «Relación de unidades poblacionales» d'o Insituto Nacional de Estadística; consultada o 19 de chunio de 2011.
- ↑ 3,0 3,1 3,2 3,3 (es) Folleto turistico de Ligüerre; consultau o 19 de chunio de 2011.
- ↑ (es) Historia de Ligüerre de Cinca; consultada o 19 de chunio de 2011.
Vinclos externos
editar
Se veigan as imáchens de Commons sobre Mesón de Ligüerre.
| Lugars d'o municipio de l'Abizanda | |
|---|---|
| L'Abizanda | Escaniella | Lamata | Ligüerre de Cinca | Mesón de Ligüerre |
Datos: Q13049590- Multimedia: Mesón de Ligüerre / Q13049590
