Killer Elite (cinta)
- Iste articlo ye sobre una cinta d'acción de l'anyo 2011; ta atros usos, se veiga Killer Elite.
.svg){kind=small}
Killer Elite (títol orichinal en anglés, en aragonés Asasín d'elite; estrenau en Aragón con o títol en castellano de Asesinos de élite, en aragonés Asasins d'elite) ye una cinta d'acción y d'intriga de coproducción australo-anglo-estausunidense dirichida por Gary McKendry y producida por Michael Boughen, Steve Chasman, Sigurjón Sighvatsson y Tony Winley ta las productoras Entertainment Film Distributors (Reino Uniu), Open Road Films (Estaus Unius) y Walt Disney Studios Motion Pictures (Australia). La cinta se basa en un guión adaptau por Matt Sherring, basau en a novela The Feather Men, de Ranulph Fiennes (1991), la suya Banda Sonora Orichinal ye un treballo de Reinhold Heil y Johnny Klimek, con una dirección de fotografía de Simon Duggan. Os principals actors d'a cinta son Jason Statham, Clive Owen, Robert De Niro, Dominic Purcell, Aden Young, Yvonne Strahovski y Ben Mendelsohn.
Argumento editar
En 1980 Danny Bryce fa parte d'un equipo d'asasins dirichiu por Hunter, d'o cual fan parte tamién Davies y Meier, y la misión que ha recibiu l'equipo ye la d'asasinar a un hombre. Fan lo treballo, pero Danny se troba que en l'auto que han atacau tamién viachaba lo fillo d'a victima, y no ye capable de disparar contra él. Danny recibe una ferida y decide albandonar la profesión y retirar-se enta la suya casa en Australia. Pero una anyada dimpués recibe una trucada telefonica que lo cita en Omán a on Hunter ye presonero. En Omán se troba con lo contacto que lis facilitaba las misions, qui li diz que Hunter heba acceptau un treballo por o cual heba de cobrar 6 millons de dólars pero que no podió completar o treballo. Y que si Danny no lo remata por él, matarán a Hunter.
Lo contacto li facilita una trobada con Amr, lo cheque deposau d'una tribu, que yera qui heba contractau a Hunter y qui li diz que fa bellas anyadas uns miembros d'o Special Air Service britanico heban matau a tres d'os suyos fillos mientres a guerra de Dhofar en una intervención ilegal, li da lo nombre dos asasins (Steven Harris, Steven Cregg y Simon McCann y li ordena de matar-los. Pero amás li posa condicions: cal que grabe en video las confesions d'os culpables, cal que las suyas muertes tiengan l'apariencia d'accidentals y cal que los mate antes de que lo cheque, que ye malauto terminal, muera, ye decir, en alto u baixo 6 meses. Asinas, lo cuatreno fillo d'o cheque, Bakhait, recupere ta la familia lo control d'ixa remota rechión desertica. Danny no puet so que acceptar y reúne a lo suyo antigo equipo ta empecipiar a investigación, trobando-se bien luego con a Feathermen ("hombres de pluma", por a suya capacidat d'actual con a sutilidat d'una pluma), que son qui en realidat ordenoron l'asasinato d'os fillos d'o cheque.
Elenco[2] editar
Rodache editar
O rodache d'as escenas interiors se fació en os Docklands Studios Melbourne de Melbourne, Australia. Ta las escenas d'exteriors se rodó en cuantos puestos, repartius por Australia, Anglaterra y Galas. Destacan as escenas grabadas en os Brecon Beacons de Galas. Cal destacar que as escenas correspondients a París se filmoron en realidat en Melbourne, y que bellas escenas que representan Londres se rodoron en Caerdydd.
Criticas editar
La cinta s'engueró lo 10 de setiembre de 2011 en a 36ena edición d'o Festival Internacional de Cine de Toronto, en Toronto (Canadá) y recibió criticas negativas, en estar considerada la cinta nomás que un vehiclo ta lo lucimiento de Jason Statham, encara que tamién i partecipen destacaus actors como Clive Owen y Robert De Niro.
O critico cinematografico Quim Casas en SensaCine considera que ista cinta amuestra una progresión en as cualidaz interpretativas de Jason Statham y tamién que amuestra en a pantalla as caracteristicas propias d'os mercenarios d'a vida real; tanimientres, considera que en sobran as alusions a lo pasau sentimental d'o protagonista y que se desproveita a un actor d'a categoría de Robert De Niro, amenistando lo suyo personache una mayor densidat en l'argumento d'a cinta.[3]
O critico Mikel Zorrilla diz:[4]:
Premios editar
| Premio | Calendata | Edición | Categoría | Premiau | Notas |
|---|---|---|---|---|---|
| Premios AACTA de l'Academia Australiana d'o Cine y d'a Televisión | 2013 | 2a edición | Nominada a l'AACTA a lo Millor Disenyo de Producción | Michelle McGahey | |
| 2013 | 2a edición | Nominada a l'AACTA a los Millors Efectos Visuals | Ineke Majoor Julian Dimsey |
Se veiga tamién editar
Referencias editar
- ↑ 1,0 1,1 1,2 (en) Enguero de Killer Elite en Internet Movie Database.
- ↑ (en) Killer Elite en Internet Movie Database.
- ↑ (es) Quim Casas: Asesinos de élite. Mercenarios y marionetas, en SensaCine.
- ↑ (es) Mikel Zorrilla: Asesinos de élite en horas bajas, en Espinof.
Vinclos externos editar
- (en) Killer Elite en Internet Movie Database.
- (en) Killer Elite en Rotten Tomatoes.
- (en) / (es) Killer Elite en FilmAffinity.
- (fr) Killer Elite en Allociné.
- (en) Killer Elite en Box Office Mojo.
- (en) Killer Elite en AllMovie.
- (en) Killer Elite en Metacritic.
- (de) Killer Elite en Online-Filmdatenbank.