Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un avión[1] (d'o francés avion, y iste a la vegada d'o latín avis, au), ye una aeronau mas pesata que l'aire que puet volar por l'atmosfera. Tien un cuerpo, en a parti frontal d'o que se situa a cabina de mandos y en a resta d'o cuerpo i viachan pasachers u carga, unas alas que sustentan l'avión en l'aire, y una coda que en permite una millor maniobrabilidat y estabilidat. Un avión puet estar propulsato por un u mas motors, situatos en o cuerpo u en as alas de l'avión seguntes o modelo, u bien no tener motor (en iste caso l'avión ye un planeador).

Airbus A318 d'Air France

Menas de avions editar

Se pueden clasificar os avions seguntes diversos criterios. D'alcuerdo con o suyo emplego podemos distinguir os tipos chenerals:

  • Avions comercials: avions de gran grandaria con rotas establidas disenyaus prencipalment para transportar pasachers a gran distancia. Beluns d'éls son modificaus para o transporte de carga. Eixemplos notables: Boeing 747, Airbus A330.
  • Avions de negocios: son avions, cheneralment de reacción, emplegaus pa lo transporte d'un grupo chicot de personas.
  • Avions de transporte: son avions disenyaus pa lo transporte de mercaderías mas que por o de pasachers encara que, muitos d'éls, son derivaus de modelos de transporte de pasachers. Eixemplos notables: Canadair CL-44, CASA CN-235. Por otra parti, os avions militars de transporte son utilizaus pa lo transporte de tropas, vehíclos y material militar. Beluns son preparaus pa aterrizar en pistas no preparadas u pa permitir o lanzamiento de paracaidistas entre o vuelo. Eixemplos importants son o C-130 Hercules u o CASA C-212 Aviocar.
  • Avions d'aviación cheneral: cheneralment clamaus avionetas, utilizadas por particulars u chicotas interpresas en rotas puntuals. Permiten transportar un numero reduciu de pasachers u carga a distancias curtas y meyas. Eixemplos notables: Cessna 182, Diamond DA40.
  • Avions militars de combate: con grans prestacions, se pueden fer servir tanto pa atacar atros avions (cazas) como que para destruyir obchectivos en tierra u mar (bombarders). I hai avions que combinan os dos papers en un: os clamaus cazabombarders. Cheneralment istos avions militars de combate contan con un u dos pilotos (sin capacidat pa pasachers) y disposan de cuantos puntos fuertes an portiar armas como que bombas u misils. Un eixemplo notable ye o cazabombardero McDonnell Douglas F/A-18 Hornet.
  • Avions esportivos u licheros, conoixitos popularment como avionetas: son avions de chicotas dimensions utilizaus ta transporte de mercaderías, fotografía aeria, vuelos d'entretenedera, comercials curtos,(ambulancias, taxi aerio). Una d'as suyas ventachas es que no cal una pista muy larga ni masiau buen estado de conservación.
  • Avions experimentals: avions pa prebar nuevas tecnolochías aeroespacials en l'aeronau, encara que l'etiqueta ye mas amplia. Eixemplos notables: Bell X-1, North American X-15.

Referencias editar