Kaisersemmel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kaisersemmel
Kaisersemmel
Atras denominacions
Pan de Viena
Orichen cheografico
Cocina:	Gastronomía austriaca
Orichen:	Viena, Austria
Se mincha en:	Austria, Alemanya
Categoría:	Pan
Elaboración
Ingredients:	Malta, farina, augua y sal

O Kaisersemmel (en alemán "panet imperial", en bavaro Kaisasemme) u simplament Semmel ye un tipo de Brötchen ("panet") que se diz fue inventato en Viena, y que se creye prenió o suyo nombre en honor de l'emperador Francisco-Chusé I d'Austria. Ye tipicament un panet redondo cluxidero feito con farina, levadura de biera, malta, augua y sal.

O Kaisersemmel ye tipico d'Austria, pero también ye popular en países como os Estaus Unius, Polonia, Canadá, Italia y Alemanya.

Variants

O Kaisersemmel de Suiza y sud d'Alemanya se composa de pan blanco normal en piezas redondas que levan en a parti superior un tipico patrón espiral de cinco brazos. Orichinalment heba de traballar-se a-saber-lo ta a suya elaboración, pero actualment s'imprenta aplicando fuerza con l'ayuda d'un sello especial. O pan tiene asinas una alta proporción de crosta, estando por ixo cluixidero y aromatico.

O Semmel, dito Kaisersemmel en Austria, Republica Checa (kaiserka), Eslovenia y Croacia (kajzerica), se fa con una forma y masa pareixitas a l'anterior, diferenciando-se os feitos a man (Handsemmel) d'os fabricatos mecanicament (Maschinensemmel). A os primers se les da forma a man, por lo que tienen un disenyo espiral irregular. En Hamburgo se dicen Kaiserbrötchen.

Bels Kaisersemmel levan simient d'ababol u de sesamo por dencima. S'emplega a sobén como panet ta fer sandwiches, incluyindo hamburguesas, u ta fer un entropán con una chulla de Leberkäse.

Kummelweck

O kummelweck, a vegatas tamién kimmelweck u kümmelweck, ye una variant d'o Kaisersemmel popular en l'ueste de Nueva York. Kümmel significa "alcaravea" en alemán, y weck procede de Weckerl, Weckle u Weckchen, que significa "panet" en Austria y o sud d'Alemanya (mientres en o resto d'o país se fa servir o termín chenerico Brötchen).

Un kummelweck tradicional leva una mezcla de sal kosher y simient d'alcaravea espolvoreata por dencima. Rechionalment o nombre s'alcorza a weck u wick. Iste tipo de panet se fa servir ta elaborar o sándwich beef on weck que se sirve en Bufalo (Nueva York) y o norte d'o estato. As chullas rosbif, o au jus y un recubrimiento opcional de rabano picant s'emplegan como ingredients en iste sándwich.

Se veiga tamién

Vinclos externos

Datos: Q156036
Multimedia: Kaisersemmel / Q156036