Krascheninnikovia ceratoides

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Krascheninnikovia ceratoides
Krascheninnikovia ceratoides
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Centrospermae Familia: Quenopodiaceae Chenero: Krascheninnikovia Especie: K. ceratoides
Nomenclatura binominal
Krascheninnikovia ceratoides
L.

A Kraschesninnikovia ceratoides (L.), conoixida en Alfambra como alarba y en Osera d'Ebro como hierba rusa, ye una planta d'a familia d'as Quenopodiacias que ye propia d'arias semiaridas con hibierno muito frido y verano muito caloroso d'Asia Central.

Tamién se troba en Europa oriental y enclaus de l'Orient meyo, Norte d'Africa y este d'a Peninsula Iberica. Son repuis d'una mas gran extensión en tiempos con atras condicions climaticas.

O descubrimiento d'esta planta en a depresión d'Ebro se produció en o sieglo XIX cuan un soldau francés que heba estau en una campanya en Rusia la-se trobó en Aragón. En Osera d'Ebro, a on que o naturalista Javier Blasco Zumeta ha promoviu a suya protección, no bi'n ha guaires. En Fuents d'Ebro ye cuasi acotolada. En a val d'Alfambra, tamién se-i troba. En Perals bi'n ha pocas, pero en Alfambra bi'n ha tanta que pueden veyer-sen mesmo en o casco antigo d'o lugar.

Se diferencia d'atras quenopodiacias peninsulars por l'abundancia de pelos blancos en o tallo.

Referencias

• Datos: Q516881
• Multimedia: Krascheninnikovia ceratoides / Q516881
• Especies: Krascheninnikovia ceratoides