Guerra polaco-sovietica
| Guerra polaco-sovietica | |
|---|---|
| [[]] | |
 Fuerzas polacas en Miłosna, amán de Varsovia, agosto de 1920. | |
| Información cheneral | |
| Calendata: 1919–1921 | |
| Puesto: Europa Central y de l'Este | |
| Resultau: Paz de Riga | |
| En conflicto | |
 Polonia.svg){kind=small} Republica Nacional Ucrainesa
|
.svg){kind=small} RSFS de Rusia.svg){kind=small} RSS d'Ucraína
|
| Comandants | |
| Józef Piłsudski Edward Rydz-Śmigły |
Mijaíl Tujachevsky Semyon Budyonny Iósif Stalin |
| Soldaus | |
| 360.000 combatients 738.000 reservas |
950.000 combatients 5.000.000 reservas |
| Baixas | |
| ~60.000 muertos | ~100.000 - 150.000 muertos |
A Guerra polaco-sovietica estió un conflicto armau posterior a la Primera Guerra Mundial y la Revolución Rusa entre o nuevo estau polaco independient, que quereba recuperar as mugas anteriors a los repartos de Polonia, y los bolcheviques d'a Unión Sovietica que quereban controlar tot l'antigo Imperio Ruso y lo maximo de territorio imposando lo sistema de gubierno comunista.
Antecedents
editarO gubierno bolchevique yera en disposición de recuperar os territorios perdius por Rusia a mesura que se retirasen as tropas alemanas. A retirada d'os alemans yera una imposición de l'armisticio de l'11 de noviembre de 1918. L'11 de febrero de 1919 l'exercito polaco se troba debant de l'Exercito Royo en Brest-Litovsk, y lo refusa enta l'este. Pinsk y Grodno son ocupadas, y o 20 d'abril de 1919 Józef Piłsudski dentra en Vilna. En agosto os polacos son ya a l'este de Minsk y han conquiesto a Galitzia Oriental a los ucraineses.
O secretario d'estau d'o Foreign Office britanico en ixe tiempo, lord Curzon, recibio l'encargo de trazar a muga oriental de Polonia incluyindo-ie los territorios historicos de mayoría polaca y indiscutiblement polacos. Fació o suyo treballo en aviento de 1919 (Linia Curzon), pero os suyos resultaus no fuoron acceptaus por os nacionalistas polacos, que reclamaban Galitzia Oriental y Volinia, habitadas por ucraineses y atros territorios habitaus por belarrusos, amanando-se a las mugas de 1772.
Desembolique d'a guerra
editarEn abril de 1920 lanzan una ofensiva con a colaboración de l'ucrainés Petliura y prenen Kiev o 6 de mayo. L'Exercito Royo reacciona a l'inte y Mijaíl Tujachevsky abanza por Belarrusia y Iegorov y a caballería de Semyon Budyonny abanza en dirección enta Galitzia. Os polacos retaculan en toz os frents. Os royos deixoron que os lituanos ocupasen Vilna. En l'inte que l'Exercito Royo ye en a muga de Prusia oriental se celebra un plebiscito en os districtos de Marienwerder y Allenstein, o 17 de chulio de 1920, y la mayoría prefiere depender d'Alemanya. Tamién se produce o reparto d'o territorio de Teschen entre Polonia y Checoslovaquia y o retoque d'a muga en Zakopane por decisión d'os Aliaus, y encara que os polacos l'acceptan, Checoslovaquia no permite o trasporte d'armas enta Polonia cuan o 9 d'agosto l'Exercito Royo s'amana ta Torún.
Os polacos lanzan una contraofensiva o 12 d'agosto con refirme de Francia y con gran exito, (o "miraglo d'a Vistula"). L'Exercito Royo se bate en retirada. O 9 d'octubre de 1920 o cheneral Lucjan Żeligowski ocupó Vilna. O 12 d'octubre se firman os alcuerdos previos de paz que conducen a lo Tratau de Riga d'o 18 de marzo de 1921. A nueva muga ruso-polaca ye muit a l'este da Linia Curzon, y ye un poquet mes buena pa os polacos que a d'o reparto de 1793. A metat d'os territorios habitaus por belarrusos son baixo sobiranía polaca y l'atra metat baixo sobiranía sovietica. En chinero de 1922 Vilna queda anexionada a Polonia y los Aliaus lo reconoixen en marzo de 1923.
Vinclos externos
editar
Se veigan as imáchens de Commons sobre a Guerra polaco-sovietica.
Datos: Q186284- Multimedia: Polish-Soviet War / Q186284
