Galitzia Oriental

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Galitzia Oriental ye una rechión historica situata en o cabo occidental d'Ucraína, con capital en Lviv. Ha perteneixito historicament a Polonia y Austria y os polacos formaban una parte important d'a suya población dica a ocupación sovietica que siguió a la Segunda Guerra Mundial.

Mapa de Ucraina on se puet localizar Galitzia oriental

Historia

Galitzia y Volinia en a Polonia d'entreguerras

En a historia d'Ucraína, Galitzia Oriental ocupa un puesto important. O prencipau de Halicz, (d'on vien o nombre de Galitzia) estió refuchio d'una part d'a elite de Kiev (clerigos, hombres de letras y comerciants) dimpués d'a invasión mongola.

Os polacos l'anexionoron baixo o nombre de Rusia Roya, y Lviv en yera a capital. Por o primer reparto de Polonia (1772) Galitzia pasó a Austria. O movimiento nacionalista ucrainés se desembolicó en o sieglo XIX baixo os autriacos en uns tiempos en os que en l'Imperio Ruso esto yera imposible.

En 1914 i habió una ocupación rusa temporal en a que as manifestacions de cultura ucrainesa fuoron reprimitas (os rusos veyeban en Galitzia Oriental o "Piamont d'Ucraína"). Prohibioron os periodicos, zarroron escuelas y deportoron ta Rusia a lo metropolitano greco-catolico.

En o periodo d'entreguerras tornó a fer parte de Polonia, pero fue adhibita a la URSS en 1939 y dimpués a lo Generalgouvernement en 1941, pa dimpués ser reocupata por os sovieticos. En 1946 se produció a represión Stalinista y a prohibición d'a ilesia uniata.

• Datos: Q3573883
• Multimedia: East Galicia (Central Europe) / Q3573883