Laco (erosión alviolar)

(Reendrezato dende Gnama)
Este articlo ye sobre una forma d'erosión alviolar; pa atros significaus de la parola Laco, vaiga a Laco (desambigación).

Los lacos u gnamas son clots u chicotas depresions que se fan por erosión alviolar en superficies horizontals u quasi horizontals de ciertas rocas como las piedras d'arena u las rocas metamorficas y ignias con textura granuta.

Lacos que s'han feito en o granito de La Pedriza (Espanya).

L'orichen d'un laco ye una irregularidat en la superficie que retién l'augua y permite que se desembolique millor la meteorización.

En la depresión de l'Ebro las gnamas son bien estudiadas en lo semontano pirenenco, Os Monegros y semontano iberico. Las estratos de piedra d'arena horizontals u subhorizontals que bi ha en Frayella presentan muitas gnamas.[1] En Tramacet tamién bi ha gnamas tipicas.[2]

DenominacionsEditar

La denominación australiana gnama ye d'uso prou cheneral entre los cheomorfologos de tot lo mundo, pero bi ha muitos nombres locals que pueden amaneixer u no en obras cheormorfolochicas. En la Sierra d'Albarrazín los lacos que se fan en lo rodeno se dicen "clochas", parola que puet designar a atros clotz u chicotas depresions de lo terreno en ixa zona u en atras de lo Sistema Iberico aragonés u valencián. En las zonas graniticas de la Meseta Espanyola reciben la denominación de pilancones.

En parlas altoaragonesas actuals l'uso de "laco" que se documenta con sentiu cheomorfolochico ye por eixemplo:

En zonas a on se charró aragonés dica fa pocos sieglos tamién se puet sentir. Por eixemplo en Castelserás un laco ye una chicota depresión en un camín que lo fa incomodo de transitar.

ReferenciasEditar

  1. (es) Fernando Biarge: Piedra de arena. El paisaje monegrino. Ediciones del Mallo. 2004, pp 58-78
  2. (es) Fernando Biarge, José María García Ruiz, Ana Biarge: Roca viva. El modelado del paisaje pirenaico. Diputación de Huesca, 2001. p 100
  3. (es) Chesús Vázquez Obrador: Toponimia de Pedruel, Las Almunias y San Hipólito (valle de Rodellar). Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 87, 1979 , pachinas 103-134

BibliografíaEditar