Garrulus glandarius

(Reendrezau dende Gai)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Gai
ai
Gai (Garrulus glandarius)
Estato de conservación

Seguro.
Dominio: Eukaryota
Reino: Animalia
Filo: Chordata
Clase: Aves
Orden: Passeriformes
Familia: Corvidae
Chenero: Garrulus
Especie: G. glandarius
Garrulus glandarius
Linnaeus, 1758

O gai[1] u gayo[2] (Garrulus glandarius (L., 1758)) ye un muixón de mida meyana, d'entre 30 e 35 cm de lonchitut, con alas curtas y arrondoladas que no gosan a exceder es 60 cm d'amplaria. Como toz es corvidos s'alimenta d'animals chicoz, glans, lulos y altras fruitas, de manera omnivora. Ye un habitant caracteristico d'as selvas caducifolias.

Garrulus glandarius

Se conoix rapidament per as suyas caracteristicas colors marronosas u naranchencas en o cuerpo, con franchas blancas en as alas que se centellean caracteristicament a distancia cuan l'animal fui per entre la vechetación, mientres emit o suyo caracteristico chilo que li ha dato o nombre en aragonés; "gaik", que puet repetir-se y ye siempre estrident. As singulars tacas azuls que tien en as alas només son veyibles cuan l'animal ye posato a las brancas, y son una d'as partis clau d'a suya identificación.

O gai ye un muixón imitador, isto quier decir que emplega tiempos d'a suya vida en aprentar os cantos d'altras aves d'o suyo ambient, y finalment las emplega ta trafulcar-las y fer-las fuera d'o suyo territorio, fendo a sobén que istas creigan que lo territorio ye ocupato per altros animals d'a suya propia especie. Ista conducta ye singularment important con o canto de bellas rapinyadoras nocturnas, que en establir-se a lo suyo territorio, podriban significar un periglo ta lo chicot corvido.

Referencias editar

  1. (an)/(ca)/(es) Cartel d'as aus (PDF: 9.9 Mb) d'a pachina web "Aragón Natural" d'o Gubierno d'Aragón
  2. (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.39

Vinclos externos editar