Costa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A costa ye o puesto an a tierra s'achunta con o mar. Tien una anvista baquiable, an a vegadas a tierra puede creixer debiu a lo deposito de sedimentos y en atros casos puede achiquir por os enantos de erosión costera que fa a mar. Pero as costas tamién son modificadas por atros factors, como lo clima, a cheolochía costera, l'aire, l'acción d'as ondas marinas y as actividaz humanas.
Recursos costeros
editarAs costas son zonas muito pobladas dende l'antiguedat por os recursos naturals que se i puet aproveitar. Bi ha recursos alimenticios, recursos minerals, recursos hidricos y d'atras clases.
A pesca d'a zona de costa ye una pesca de baixura con medios artisanals actualment con menor importancia que a pesca d'altura.
L'acuicultura marina ye una actividat muit recient pero a mesura que se van acotolando os recursos pesqueros va prenendo importancia. En a redolada d'o delta de l'Ebro crían musclos.
En muitos países se reculle tradicionalment algas pa minchar. As algas tamién se pueden fer servir pa fer productos alimenticios pa consumo humán u animal en industria alimentaria u pa fabricar compost.
Entre os recursos minerals destaca la sal, que precipita en as saleras. A on abundan as aus marinas se fan chacimientos de nitrato y fosfato a partir d'os excrementos. L'arena tamién ye un recurso cheolochico que s'espleita. En as costas d'o sud-este asiatico bi ha placers d'estanyo.
As zonas de costa permiten un aproveitamiento enerchetico por haber-ie corrients d'aire (enerchía eolica) y mareas (enerchía maremotriz).
Os recursos recreativos d'as costas han iu prenendo importancia con o desarrollo d'o turismo. O turismo en as costas ye una important fuent d'ingresos en zonas calidas y templadas como os países mediterranios y caribenyos.
