Onda marina

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Una onda marina u onda d'a mar ye un movimiento ondulatorio de l'augua que bi ha en a superficie d'a mar indueito por l'acción d'o viento. Tamién se producen en una gran masa d'augua como un laco u entibo gran). O movimiento ondulatorio describe una trachectoria circular de puyada y baixada si no bi ha contacto con o fondón, pero quan o fondón ye en contacto con bell punto d'a trachectoria, o movimiento oscilatorio se va aturando. Contra més a man siga a linia de costa y menos fondo siga o fondón més aturada bi habrá, creixendo os desplazamientos horizontals en ixe movimiento ondulatorio, fendo que a onda se crebe en a costa, con un movimiento entadebant seguito d'un movimiento enta dezaga que se repite de contino.

Una onda marina.

Acción cheolochica d'as ondas marinas

Erosión

As ondas marinas representan un achent cheolochico externo capaz de producir erosión, o principal achent erosivo en as costas, y ye por a suya propia enerchía, u por o material que levan u mueven. As mareas no fan que ixamplar o campo d'acción d'as ondas asinas como puyan u baixan fendo cambiar as linias de costa.

Una forma tipica d'erosión formada por as ondas son as penyas propias de costas con rocas duras, y as plataformas d'abrasión que se forman por retacule d'estas penyas.

En a Grant Cronica d'Espanya ya mencionan a erosión (tiramiento) que fan as ondas marinas en a costa:

& ap(re)s es edificada la çiudat e(n)tre dos Sirtes. Porq(ue) dos / sines so(n) / el uno ç(er)ca d(e)l ot(r)o ./ enla Africa ext(re)ma o çaguera no eguales en gra(n)deza mas eguales en nat(ur)a / los lugares d(e)la t(ie)rra d(e)los q(u)ales son muyt altos. los ot(r)os lugares so(n) assi como nat(ur)a ha orde(n)ado. los unos so(n) altos / & los otros so(n) nadosos en tempestat. Porq(ue) alla do es la mar g(r)ant escomie(n)ça de mou(er) & de ensanyar se /. por los uie(n)tos las o(n)das d(e)l agua tiran arena & g(r)andes piedras & penyas. & assi la faç o cara d(e)los lugares se muda ensemble co(n)los uie(n)tos & los Sirtes son assi no(m)brados por(e)l tiramie(n)to d(e)la t(ie)rra.

Sedimentación

As ondas marinas que inciden a'l bies contra a costa producen corrients de deriva litoral responsables d'a formación de plachas y sayetas litorals.

Bibliografía

• (es) Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990.
• (es) Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda.

Vinclos externos

• Se veigan as imachens de Commons sobre Onda marina.