Codonyo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O codonyo (d'o latín <cotoneu) u codunyo ye a fruita caracteristica d'os árbols d'o chenero Cydonia, y muit especialment a especie Cydonia oblonga, a codonyera.

Codonyos en a codonyera.

O codonyo ye un falso fruito de tipo pomo, con una estructura tisular pareixida a la d'a manzana y a pera. Ye una fruita piriforme, d'entre 7 y 12 centimetros de lonchitut y d'entre 7 y 9 de diametro por a on que ye mas ampla, de color amariella u dorada cuan ye madura. Se caracteriza por a polpa, muit aromatica y con un gusto muit agrio.

O codonyo no se sole consumir crudo por a sabor fortisma que tiene. Por contra, se fa servir ta confitura y ta'l conoixiu codonyate u "carne de membrillo" (en castellano, codonyo ye membrillo), una confitura de polpa de codonyo cueta con zucre que se consumiba en grans cantidaz en os sieglos XIX y XX, gracias a la suya duración y a la posibilidat de comercializar-la enlatada, principalment producida en rechions como La Mancha y Andalucía. Por a popularidat d'ixe producto, a parola membrillo ha substituiu en muitos puestos a la denominación tradicional aragonesa ta ista fruita.

Imáchens

• 
• 
• 
  Codonyo inmaduro.
• 

Valors nutricionals

Valor nutricional por cada 100 gramos de producto
Enerchía	238 KJ
Valura calorica	57 Kcal
Graixas	0.1 g
Hidratos de carbonio	15.3 g
Zucres
Proteínas	0.4 g
Sal	4 mg

Se veiga tamién

• Codonyate
• Pera
• Manzana
• Niéspola
• Figo

Referencias

• Datos: Q13048795