Hidrato de carbonio
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Os hidratos de carbonio u glucidos son biomoleculas organicas formatas por carbonio, hidrocheno y oxicheno. Os monomers basicos d'os glucidos son os monosacaridos, de formula empirica CnH2nOn, ye dicir (CH2O)n, por o que se creyeba que yeran atomos de carbonio unitos a moleculas d'augua, u "carbonio hidratato" d'on que se derivo lo suyo primer nombre, "hidratos de carbonio"; os dos zaguers elementos se troban en os glucidos en a mesma proporción que en l'augua, d'aquí viene o suyo nombre d'hidratos de carbonio, encara que a suya composición y as suyas propiedatz no corresponden con ista definición. Encara que dende fa tiempo se sape que ixo no ye verdat, continan emplegando-se de traza inexacta os termins d'hidrato de carbonio y carbohidrato ta designar-los (más que más en dietetica).
A realidat ye que os monosacaridos son formatos por una curta cadena de carbonios (de tres a siet), un d'os quals leva un grupo carbonil y a resta grupos hidroxil (-OH) y atomos d'hidrocheno.
Os hidratos de carbonio u glucidos se pueden clasificar seguntes o numero de monomeros u unidatz moleculars que los forman. Os monosacaridos presentan un solo monomero. Os disacaridos son formaus por dos monomeros u monosacaridos[1], os oligosacaridos son formaus por un numero mes gran (por un regular entre tres y diez monosacaridos), y os polisacaridos (más de diez, a sobén mils). Seguntes clasificacions cambian os limites entre ixas categorías, os disacaridos se considerarían una clase de oligosacarido y os polimeros de 20 monosacaridos s'asimilarían a los oligosacaridos.
MonosacaridosEditar
Os monosacaridos son polialcohols con un grupo cetona u aldeído. Estos grupos pueden reaccionar con grupos alcohol d'a mesma molecula y fer que a molecula prenga una forma ciclica, que será un hemicetal u un hemiacetal respectivament.[1]
Os monosacaridos son solubles en augua, dulces y cristalizables. Os cristals de monosacaridos pueden caramelizar quan si los escalfamos prou.
Entre os monosacaridos con 6 atomos de carbonio destacan a glucosa, a fructosa y a galactosa.
Vinclos externosEditar
Se veigan as imachens de Commons sobre l'hidrato de carbonio.
- ↑ 1,0 1,1 (es) Rafael Sendra, Xavier Varela: Biología. Editorial Ecir, 2003, p 30, p 33.