Celtismos en latín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los celtismos en latín son elementos lingüisticos orichinaus en las luengas celtas, especialmente en lo galo que se charraba tanto a lo sud de los Alpes (Galia Cisalpina), como dillá de los Alpes (Galia Transalpina), territorios que perteneixioron a l'Imperio Romano.

**Carro** de dos ruedas provinient de Cevenas. Los galos destacoron como constructors de carros. Los romanos amproron de lo galo las palabras **CARPENTUM** pa dicir carro de dos ruedas, y **CARRUS** pa dicir carro de cuatro ruedas. En los dos casos se plegó a substituir palabras latinas: *CARRUS* substituyó a lo suyo cognato latín *CURRUS*, relacionau con lo verbo *CURRERE*,^[1] igual como l'artisán dedicau a los carros de fusta deixó de dicir-se *TIGNARIUS* pa dicir-se **CARPENTARIUS**.^[2]

Muitas palabras galas que entroron en lo latín de las zonas habitadas por galos (latín galico) prenioron carta de naturalidat en latín y se cheneralizoron en amplas zonas de l'imperio a on no se charraba garra luenga celta,^[2] evolucionando dimpués d'acuerdo con las leis foneticas que conducioron a las luengas romances. De fueras de las palabras cheneralizadas en latín, la mes gran part de los celtismos son presents en las luengas galorromanicas entre los Pireneus y los Alpes.^[3]

Los campos lexicos a on bi ha celtismos son propios de lo medio rural (agricultura, ganadería, caza, pesca), lo comercio y la ropa. La coexistencia diglosica entre lo celta galo y lo latín galico se reflecta en unas parellas lexicas que a on que se veye a competencia lexica entre la palabra celta y la palabra latina:

CERA - BRISCA > cire - brèche ("cera" - "bresca").
VINUM - LĬGA > vin - lie ("vin" - "solada").
SPICA - GABELLA > épi - javelle ("espiga" - "gabiella"/"garba").

La palabra latina s'aplicará a un rechistro culto oficial u a un material u obchecto de cualidat, a diferencia de la palabra celta, que se restrenyirá a lo subproducto.^[4]

Medio rural

Cabanya feita de canyas en Camarga.

CAPANNA: cabanya, capana.
CARRUS: carro.
KLETA: cleta.

Agricultura

GABELLA: gabiella.
RIKA: sulco.

Fitonimia

Aranyons, denominación aragonesa que chunto con la catalana aranyó y la occitana antiga aranhó ha permeso reconstruir la radiz gala *AGRANION, cognata de irin en bretón, yryn en cornico, eirin en galés y áirne en gaelico.

AGRANION: aranyón.
BRŪCO: adaptación latina de lo galo *vroicos u *vrūcos. En part de lo latín hispanico prenió la forma adchectivada *BROCCEUS u *BROCCIUS, que orichinó en romanz navarro beruezo, berozo, en riojano brozo, en castellano antigo bruezo (con diftongo redueito en brezo en castellano moderno), y en gallego breixo. Las formas aragonesa bruco, catalan bruc, occitana bruga y italiana brugo derivan dreitament de BRŪCO.
*BRŪCARIA: forma derivada de l'anterior con lo sufixo -ARIA, orichinó bruyère en francés y bruguera en catalán.
VERNA: alberniz.

Zoonimia y ganadería

ALAUDA: aloda.
MULTON: moltón.
PARAVEREDUS: palafré. Deriva de lo proto-celta *uɸorēdos, adaptau dende lo galo como VERĒDUS en latín anyadindo lo prefixo griego παρά (pará).
SALMO: salmón.

Suelo y medio fisico

KUMBA: coma.
GRAVA: grava.

Recipients y unidaz de mesura

AREPENNIS: unidat de mesura de superficie.
LEUKA: legua.
BENNA: cesto.
BASCAUDA: canasta.

Bebidas

CEREVISIA: cervesa, biera.
LIGA: solada.

Ropa

BRACA: pantalons que levaban los galos.
CAMISIA: camisa.
GUNNA: vestidura de piel. Se conserva en catalán (gonella), en occitán (gona, gonela), y francés (gonne, gonele). L'aragonés medieval gonella se considera un catalanismo.^[5]

Productos de fusta u metal

CARPENTUM: carro. En latín orichinó la forma sufixada CARPENTARIUS, conservada en castellano como carpintero y en francés como charpentier ("fustero").
CLŎCCA: campana, se conserva en l'occitán clòca y en lo francés cloche.
*BERTIUM: cuna. Se remonta a lo galo *berta, cognato de lo gaelico irlandés antigo bert. Se conserva en gallego (berce), astur-leyonés (bierzu,^[6] brizu^[3], briezu), catalán (bres, bressol), occitán (brèç, breçòl) y francés (berceau).

Institucions y sociedat

AMBACTUS: mediador. De AMBACTUS proviene AMBACTIA en latín medieval ("embaixada"), que entró en las luengas romances a traviés de l'occitán, i habendo posibilidat que l'amprase de lo gotico.
VASSUS: vasallo.

Atros

BRISCA: bresca.

Referencias

↑ (es) Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica, 1973.
↑ ^2,0 ^2,1 (es) Rafael Lapesa: Historia de la lengua española, Editorial Gredos, 2001. p 50-51.
↑ ^3,0 ^3,1 (es) Antonio Llorente Maldonado de Guevara: Las «Palabras pirenaicas de origen prerromano», de J. Hubschmid, y su importancia para la Lingüística peninsular. Archivo de Filología Aragonesa, 8-9, pp. 127–157, 1958.
↑ (fr) Jean-Louis Tritter: Histoire de la langue Française. Editor: Paris, Ed. Ellipses - 1999.
↑ (es) Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. pp 324-325.
↑ (es) Xosé Lluis García Arias: Contribución a la gramática histórica de la lengua asturiana y a la caracterización etimológica de su léxico. Biblioteca de Filología Series. Volumen 3 de Biblioteca de filoloxía asturiana. Editor: Universidat d'Oviedo, 1988.

Bibliografía

(es) Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica, 1973.
(es) Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991.
(es) Gramática francesa. Larousse Editorial, S.A, 2000.
(es) Rafael Lapesa: Historia de las lengua española. Editorial Gredos. (1981).
(es) Antonio Llorente Maldonado de Guevara: Las «Palabras pirenaicas de origen prerromano», de J. Hubschmid, y su importancia para la Lingüística peninsular. Archivo de Filología Aragonesa, 8-9, pp. 127–157, 1958.
(fr) Jean-Louis Tritter: Histoire de la langue Française. Editor: Paris, Ed. Ellipses - 1999.
(en) Peter Rickard: A History of the French Language. Editor: Routledge, 2003. ISBN 1134838778, 9781134838776.
(fr) Adolphe Hatzfeld et al.: Dictionnaire général (1890-1900). Traité de la formation de la langue. Paris, Delagrave, 1890.

Lo lexico celta y los celtismos en as luengas romances
en alemán \| en anglés \| en aragonés \| en arpitán \| en astur-leyonés \| en castellano \| en catalán \| en francés \| en galaicoportugués \| en italiano \| en latín \| en neerlandés \| en occitán \| en piemontés \| en rumano

Datos: Q65395457

[TAGLIAVININEOLATINAS-1] (es) Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica, 1973.

[RAFALAPESA-2] 2,0 ^2,1 (es) Rafael Lapesa: Historia de la lengua española, Editorial Gredos, 2001. p 50-51.

[MALDONADODEGUEVARA-3] 3,0 ^3,1 (es) Antonio Llorente Maldonado de Guevara: Las «Palabras pirenaicas de origen prerromano», de J. Hubschmid, y su importancia para la Lingüística peninsular. Archivo de Filología Aragonesa, 8-9, pp. 127–157, 1958.

[TRITTER-4] (fr) Jean-Louis Tritter: Histoire de la langue Française. Editor: Paris, Ed. Ellipses - 1999.

[TERUELTERRADO-5] (es) Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. pp 324-325.

[GRAMATICAHISTORICASTURIANA-6] (es) Xosé Lluis García Arias: Contribución a la gramática histórica de la lengua asturiana y a la caracterización etimológica de su léxico. Biblioteca de Filología Series. Volumen 3 de Biblioteca de filoloxía asturiana. Editor: Universidat d'Oviedo, 1988.

[1]

[2]

[3]

[4]

[5]

[6]