Ropa
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
La ropa (d'o gotico < *raupa)[1] ye qualsiquiera d'as piezas de teixito u tela que sirven ta vestir a las presonas, os muebles y a casa. D'antis más s'emplegaban nomás ta protecher o cuerpo d'o clima y os obchectos d'a porquería, pero os suyos usos s'han ito multiplicando. Os materials son variatos, dende piels dica cotón u fibras sinteticas.
A ropa puede estar visible u no, como en o caso d'a ropa interior. En o suyo sentiu pero amplio, o vestuache inclui tamién belatros accesorios como os guants que cubren as mans, a o calzau (zapatos, zapatillas y botas) que cubre os pietz, y a os gorros, casquetas y chapeus que se fan servir ta cubrir a cabeza. Os obchectos como bolsas y batiauguas se consideran complementos mas que no prendas de vestir.
A moda diz o estilo de ropa que predomina en cada epoca y o tipo de ropa indica a sobén la clase social y tamién a vegatas a traza de pensar d'a presona que la leva. Bi ha ropa especifica ta una actividat, como o equipamiento esportivo, os uniformes profesionals u os vestitos relichiosos, entre atros. Amostrar una parti d'o cuerpo u una atra, especialment lo d'a muller, pende d'as normas de pudor d'una societat concreta.
Materials emplegatosEditar
En a ropa s'emplegan fibras y atros materials naturals como o lino, a lana, a seda, a piel u o cuero. D'atra man tamién s'emplegan materials sinteticos como lo elastán, o nylon y o poliester.
ReferenciasEditar
- ↑ (es) José Laguna Campos: Estudio léxico de un inventario oscense de 1565, Archivo de filología aragonesa, ISSN 0210-5624, ISSN-e 2603-7688, Vol. 46-47, 1991, p. 25-58
Se veiga tamiénEditar
Vinclos externosEditar
Se veigan as imachens de Commons sobre clothingRopa.
