Caracter biolochico

Iste articlo tracta sobre o caracter como atributo dende a perspectiva d'a biolochía. Pa atros usos de caracter se veiga Caracter (desambigación).

En biolochía sistematica, se diz caracter a un atributo fenotipico heredable que tiene función y que, por ixo, ye una unidat evolutiva. A heredabilidat ye una condición sine qua non pa que un atributo se pueda incluir en a descripción d'un taxón de sers vivos. A comparanza de caracters homologos ye una d'as bases d'o metodo comparativo que s'aplica en biolochía sistematica y, más que más, en l'analís filochenetico.

Uello humano azul. A presentación de uellos claros en o ser humano ye un estau d'o caracter biolochico "color de uellos", respective a belatros estaus más freqüents d'o caracter.

Pa definir un caracter biolochico s'ha de definir tamién os diferents estaus d'o caracter que se puede trobar. Por eixemplo, o caracter "color de uellos" en o ser humano va necesariament ligau a os diferents estaus posibles; color marrón, azul y verde, variacions posibles sin as quals no tendría sentiu considerar-lo.

Porque ye necesario que i haiga diversidat pa poder considerar un caracter como tal, se fa necesario diferenciar entre caracters qualitativos y quantitativos. O color de uellos, en iste caso, sería un caracter biolochico qualitativo, pero existe belatros que pa poder-los describir cal que se puedan contar u mesurar; os quantitativos. En os caracters quantitativos i hai diferencia entre individuos, y pa fer una descripción y comparanza d'os suyos estaus se fa necesario recurrir a intervalos de variación u a parametros estatisticos como a media y a varianza.

Tipos de caracters biolochicosEditar

 
Caracters biolochicos seguntes a suya posición evolutiva.

Entre os caracters biolochicos, seguntes a suya posición evolutiva, se i puet considerar os siguients:

  • Apomorfia: Ye un atributo evolutivament novedoso, por a qual cosa ye caracteristico d'un clado u grupo monofiletico d'organismos. As apomorfias pueden trestallar-se a la suya vegada en:
  • Plesiomorfia: Ye una caracteristica primitiva u ancestral que define un grado u grupo parafiletico d'organismos.
    • Simplesiomorfia: Quan ixa plesiomorfia la comparten más d'un clado u taxón.
  • Homoplasia: Ye un cambeo evolutivo pareixiu u analogo, adquiesto de forma independient por dos u más grupos y que de conchunta puede considerar-sen un grupo polifiletico. A la suya vegada, se puet tractar de:
    • Paralelismo: Si o cambeo ye paralelo, propio de dos grupos filocheneticament amanaus.
    • Converchencia: Si o caracter ye evolucionau independientment en grupos filocheneticament aluenyaus.

Se veiga tamiénEditar