Federación de Bosnia y Herzegovina

	Federación de Bosnia y Herzegovina; Federacija Bosne i Hercegovine
	Entidat de Bosnia y Herzegovina
Bandera	Escudo
Entidat; • Estato	Entidat; Bosnia y Herzegovina
Capital	Sarajevo
Subdivisions	Cantons
Idioma oficial	Bosnio; Serbio; Croata
Superficie; • Total	; 26 110.50 km²
Población; • Total (2013); • Densidat	; 2 219 220 hab. ; 117 hab/km²
ISO 3166-2	BA-BIH
	; A Federación en Bosnia y Herzegovina
	Pachina web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Federación de Bosnia y Herzegovina (en bosnio, serbio y croata Federacija Bosne i Hercegovine; en cirilico serbio Федерација Босне и Херцеговине) ye una d'as dos entidaz de Bosnia y Herzegovina, chunto a la Republica Serbia. A Federación fue creyada con l'obchectivo d'acullir a las comunidaz d'orichen bosnio y croata a partir d'os Alcuerdos de Washington sinyaus o 18 de marzo de 1994, por os que se creyó l'Asamblea Constituyent (Ustavotvorna skupština/Ustavotvorni Sabor), que se existió dica 1996.

A Federación muga a o norte, este y sudeste con a Republica Serbia, a o sud con a mar Hadriana y con Croacia, igual que a l'ueste y a o norueste.

A Federación de Bosnia y Herzegovina ye habitada prencipalment por bosnios y croatas, motivo por o que a vegadas ye conoixida de manera informal como Federación Bosnio-Croata. Manimenos, y dimpués d'a decisión presa en 2001 por o Tribunal Constitucional d'a República de Bosnia y Herzegovina, os serbios pasoron a estar consideraus oficialment como tercer grupo étnico constituyent d'a Federación. Dito reconoiximiento estió recíproco ta bosnios y croatas en a Republica Serbia.

A Federación tien a suya propia capital, gubierno, bandera y escudo (anulaus dende o 31 de marzo de 2007), president, parlamento, aduana y cuerpos de seguridat, sistema postal (dos, de feito) asinas como una aerolinia de bandera (BH Airlines). Teneba tamién as suyas propias Fuerzas Armadas, ditas Vojska Federacije Bosne i Hercegovine, que se trobaban baixo control dreito d'o ministro d'Esfensa d'a Republica de Bosnia y Herzegovina, igual que o Vojska Republike Srpske. Os dos cuerpos prencipioron a suya integración en zaguerías de 2005, desapareixendo como entidaz deseparadas l'1 de chinero de 2006 ta formar 6 meses dimpués, o 6 de chunio, as Fuerzas Armadas de Bosnia y Herzegovina, a o mando d'o ministro d'Esfensa de Bosnia y Herzegovina.

Se veiga tamién

Vinclos externos

Commons

Se veigan as imáchens de Commons sobre Atlas d'a Federación de Bosnia y Herzegovina.

(en) (bs) (hr) (sr) Web d'o Gubierno d'a Federación de Bosnia y Herzegovina
(bs) (hr) (sr) Parlamento d'a Federación de Bosnia y Herzegovina

Entidaz de Bosnia y Herzegovina
Federación de Bosnia y Herzegovina \| Republica Serbia \| Districto de Brčko

Datos: Q11198
Multimedia: Federation of Bosnia and Herzegovina / Q11198