Cantón de Sarajevo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cantón de Sarajevo (en bosnio: Kanton Sarajevo) ye un d'os 10 cantons en que se divide a Federación de Bosnia y Herzegovina, en Bosnia y Herzegovina. Ye situau en o centro d'o país. O centro d'o gubierno d'o cantón ye a ciudat de Sarajevo, capital d'o país. O cantón tien una superficie de 1.276,9 km² y teneba una población de 413.593 personas en 2013.

Cantón de Sarajevo Kanton Sarajevo Sarajevska županija Сарајевски кантон
Cantón d'a Federación de Bosnia y Herzegovina
Bandera Escudo
Entidat  • Estato  • Entidat	Cantón Bosnia y Herzegovina Federación de Bosnia y Herzegovina
Capital	Sarajevo
Subdivisions	9 municipios
Superficie  • Total	1 276.9 km²
Población  • Total (2011)	438 757 hab.
ISO 3166-2	BA-09
ISO 3166-2	BA-09
Localización d'o cantón de Sarajevo
Pachina web oficial

Organización administrativa

Mapa d'os municipios d'o Cantón de Sarajevo.

• Ciudat de Sarajevo:
  • Centar (1).
  • Novi Grad (5).
  • Stari Grad (7).
  • Novo Sarajevo (6).
• Resto d'o cantón:
  • Hadžići (2).
  • Ilidža (3).
  • Ilijaš (4).
  • Trnovo (8).
  • Vogošća (9).

Cheografía y población

L'aria d'o cantón ye de 1 276,9 km². En o censo de 2013, a zona yera poblada por 413.593 personas d'as que un 79,6% yeran bosnios, un 11,2% serbios, un 6,7% croatas. O municipio de Stari Grad tien un 98% de población bosnia.

Historia y cultura

Iste cantón fue creyau como consecuencia d'os Alcuerdos de Washington de 1994 entre a Republica croata de Herzeg-Bosnia y a Republica de Bosnia y Herzegovina, cuan os bosnios no controlaban que 477 km² d'a part principal d'a ciudat de Sarajevo y bel suburbio meridional baixo as suyas posicions de mont Igman. Manimenos as mugas d'o cantón quedoron definidas en os Alcuerdos de Dayton de 1995, por os que a Republica Serbia habió d'abandonar 800 km² d'a redolada de Sarajevo, ocupaus dende o encomenzamiento d'o Setio de Sarajevo en 1992. As nuevas mugas plegoron a dividir entidaz de población como Ilidža, que presentan actualment parz tanto en o Cantón de Sarajevo como en a Rechión de Sarajevo-Romanija d'a Republica Serbia, a on que s'establioron muitos serbios locals.

Se veiga tamién

• Cantons d'a Federación de Bosnia y Herzegovina.
• Organización territorial de Bosnia y Herzegovina.

Vinclos externos

• Se veigan as imáchens de Commons sobre o cantón de Sarajevo.
• (br) Pachina web oficial.

• Datos: Q18276
• Multimedia: Sarajevo Canton / Q18276