O termino bot reendreza ta ista pachina. Ta o municipio d'a Terra Alta se veiga Bot (Terra Alta)

Un boto[1][2] (d'o latín <BUTTU, con o mesmo significau) ye un recipient de cuiro u piel d'animal, por un regular de craba u ovella, tornau por a cara reversa y apegau en todas as discontinuidatz sacando a que corresponde con o cuello de l'animal (a botana), que s'emplega pa contener y/u tranportar liquidos, como augua, aceite, vino, vinagre, pegunta u atros.

Camparol cheorchiano carriando un boto d'aceite a codetas.

Por a facilidat d'obtención d'o material con o qual s'elabora, y por a inexistencia d'atros materials de millors prestacions, os botos fuen os prencipals recipients emplegaus en o pasau ta transportar cantidatz de pocos litros de liquido, y se'n troba muestras d'haber-los emplegau dende l'Antiguedat. En Aragón yeran a forma mas freqüent de transportar liquidos como l'aceite y o vino, ta comerciar con ellos, dica que l'aparición d'os materials plasticos permitió a substitución por as actuals botellas y garrafas.

Como s'elaboraban con un material natural, a mida final d'os botos dependeba de a mida que tenese l'animal con o qual se feba. Os botos d'animals adultos pareix que habrían estau menos freqüents que os elaboraus con os pellizos d'as crías, con freqüencia con os de crabito, que a sobén recibiban a denominación diminutiva de «boticos». A forma femenina «bota» s'emplega pa un tipo concreto d'istos boticos que s'emplega pa transportar y consumir bebidas.

ReferenciasEditar

  1. (es) Rafael Barceló Caballud Vocabulario caspolino, Institución Fernando el Católico, 2011, ISSN 0590-1626, p.54
  2. (es) José Manuel Vilar Pacheco Léxico y cultura popular de la Sierra de Albarracín, Centro de Estudios de la Comunidad de Albarracín, 2008, ISBN 978-84-691-1474-2, p.105

Se veiga tamiénEditar

Vinclos externosEditar