Abrir menú principal
Anvista dende satelite d'o Bosforo, con a mar Negra a o norte y a mar de Marmara a o sur.

O Bosforo (en turco İstanbul Boğazı, en griego Βόσπορος) ye un estreito en Turquía que desepara a mar Negra, a o norte, d'a mar de Marmara, a o sud, estando amás a muga que desepara Europa a l'ueste d'Asia a l'este (encara que fendo as dos parte d'a provincia d'Istambul). Tien una longaria de 30 km y una amplaria de entre 550 metros y 3 km.

ToponimiaEditar

Se diz que o suyo orichen ye en as palabras griegas Βοῦς (vaca) y πόρος, paso, fendo asinas alusión a la falordia d'a mitolochía griega d'Io, l'aimant de Zeus, a qui iste zaguero haberba cambeyato por una vaca, y que la encorreba un tabano ninviato por Hera. Sindembargo, cal parar cuenta que en griego os verbos buō u buzō (que se troban tamién en a radiz de Bizancio, o nombre griego d'Istambul) fan referencia a un puesto estreito.

En o "Libro d'o Trasoro" ye mencionato como Basofre:

Simon Zelotas qujer tanto como dezir como continent o possesion. Omne cuyda que el sia o el fuese par a Pedro en conoxencia o en honor, por que el tuuo la dignjdat en Egipto. E apres la muert de Jayme Alphei fue el crucificado, e su cuerpo jaze en Basofre. La fiesta de natiujtat es .iiij.º dias ante de Todos Sanctos.

Transporte maritimoEditar

 
Anvista d'o Cuerno d'Oro en o Bosforo dende Istambul.

Actuament, o Bosforo fa parte d'una important vía de transporte maritimo dende os países a o canto d'a mar Negra (Bulgaria, Rumanía, Ucraína, Rusia u Cheorchia) y os países d'a cuenca d'o río Danubio enta la mar Echea y a mar Mediterrania. O estatuto churidico d'o estreito, dende o Convenio de Montreux de 1936, ye de dominio maritimo internacional, permetindo asinas o comercio a o suyo traviés. En 2004, bi trescruzoron 53.000 barcos.

PuentsEditar

Dos importants puents trescruzan o Bosforo: o puent d'o Bosforo, construito en 1973, y o Puent Fatih Sultan Mehmet, de 1988. Tamién bi ha un túnel (o Marmaray), encara en construcción, ta transporte por ferrocarril.

Se veiga tamiénEditar

Vinclos externosEditar

Se veigan as imáchens de Commons sobre o Bosforo.