Bombus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bombus

Bombolón terrero (Bombus terrestris)

Clasificación scientifica

Dominio:	Eukaryota
Reino:	Animalia
Filo:	Arthropoda
Clase:	Insecta
Orden:	Hymenoptera
Familia:	Apidae
Tribu:	Bombini
Chenero:	Bombus
	Linnaeus, 1758

Especies

Per dencima d'as 250 especies en 37 subcheners

Bombus ye un chenero d'insectos a dintro d'a orden imenopteros, familia d'es apidos, muito relacionato con as abellas, anque mes grans que no aquellas. O chenero Bombus incluye especies que per as suyas caracteristicas se claman popularment bombolons en Aragón. Bombus ye, tamién caracteristicament, o solo chenero dintro d'a subfamilia Bombini d'os apidos.

Son insectos socials (eusocials) con estructuras colonials hierarquicas (con reinas, abellotz y obreras, cadaguna con a suya función). Tienen, a diferencia d'a resta d'abellas, o cuerpo de tot cobierto de pelo, y caracteristicament en tienen a franchas de tres colors: amariello, negro y blan. Tamién bi n'ha especies a on que l'amariello baila ta narancha u encara royo. As patas zaguereras d'as obreras tienen una man de pelos (setae) especificos ta transportar a polen (corbiculas), y os fizons que només son presents en as obreras y reinas no lo tienen aserratos como as abellas, si que son liesos y d'ixa traza pueden fizar repetidament sin d'arrancar-los-se en fer-lo.

As colonias d'istes animals s'acotolan en plegar l'hibierno, cuan que només en quedan as fembras fertils (reinas) fecundatas ta l'anyo siguient. En as abellas meleras a diferencia ye que tot l'ixambre sopervive l'hibierno.

En aragonés d'o son que fan istes animals en volar se diz bomboloneyar, mesmo que s'usa la parola ta la cosa que fan os ninos cuan no deixan os padres suyos en paz.