Violant d'Hongría
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Violant d'Hongría | |
|---|---|
| Reina consort d'Aragón | |
 Chiganta de Barcelona de Violant d'Hongría. | |
| 1235-1251 | |
| Predecesor | Alionor de Castiella |
| Succesor | Teresa Chil de Vidaurre |
| Naixencia | 1216? Esztergom (Reino d'Hongría hue Hongría) |
| Muerte | octubre de 1251 Uesca (Reino d'Aragón hue Aragón) |
| Enterreco | Santa María de Vallbona, Vallbona de les Monges, hue Catalunya. |
| Conchuche/s | Chaime I d'Aragón |
| Descendencia | Pero Chaime Ferrando Sancho Violant Constanza María Sancha Isabel |
| Casa reyal | Dinastía Árpád |
| Pai | Andreu II d'Hongría |
| Mai | Violant de Courtenay |
Violant d'Hongría, naixita d'Esztergom (Reino d'Hongría hue Hongría) arredol de 1216 y muerta en Uesca, (Reino d'Aragón hue Aragón), en octubre de 1251, estió reina d'Aragón entre 1235 y 1251, dimpués de casar con o rei Chaime I, de qui estió a suya segunda muller.
Yera filla d'o rei hongaro Andreu II y de Violant de Courtenay. O suyo dote significaba una alportación de diners y bels territorios que nunca no se facioron efectivos.
Impulsó de trazas decisivas a conquiesta de Valencia en 1238 y participó activament en a politica reyal, pensando sobre tot en as particions d'os territorios que dixarían como patrimonio a os fillos d'ella con Chaime I, mirando devez de malimponer o mas posible a o suyo marito con Alifonso, o fillo que o rei heba tenito con a primer muller, Alionor de Castiella.
Descendencia
editarViolant y Chaime I tenioron cuatre fillos y cinco fillas:
- Pero, o heredero d'o trono.
- Chaime, que sería rei de Mallorca.
- Ferrando, muerto luego.
- Sancho, que sería arcebispe de Toledo.
- Violant, que casaría con Alifonso X de Castiella.
- Constanza, que sería muller de Manuel de Portugal.
- María, que se fería relichiosa.
- Sancha, que moriría en pelegrinache ta Tierra Santa.
- Isabel, que casaría con Felipe III de Francia.
Sepultura
editarA partir de 1250, con a salut seriosament debilitada, la reina se retiró a lo monesterio de Santa María de Salas, en Uesca a on murió arredol d'o mes d'octubre de 1251, a la edat de 36 anyos. Seguindo la suya zaguera voluntat, estió sepultada en o monesterio de Santa María de Vallbona, en Vallbona de les Monges, Catalunya d'o cual yera benefactora. Os restos d'ella y d'una d'as suyas fillas, Sancha, chacen en o presbiterio d'a ilesia d¡iste monasterio cistercense.
Pareixe que las restas d'a reina Violant d'Hongría son los solos que no han estau violaus u destruyius d'a Dinastía Árpád, d'a cuala ella formó parte per estar filla d'Andreu II, y que reinó en Hongría dica lo sieglo XIV.
En l'anyo 2002 lo gubierno d'Hongría financió la restauración d'o sepulcro d'a reina per medio d'una donación de 12.000 euros, pero la comunidat monastica de Vallbona negó l'autorización pa examinar lo conteniu d'o sarcofago.
| Predecesora: Alionor de Castiella |
Reina consort d'Aragón 1235-1251 |
Succesora: Teresa Chil de Vidaurre |
Datos: Q51779
Multimedia: Violant of Hungary / Q51779
