La Madalena (Zaragoza)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La Madalena (en castellano La Magdalena) ye un barrio de lo Casco Antigo de Zaragoza situato arredol de la plaza que tien lo mesmo nombre. En dita plaza se troba la ilesia de Santa María Madalena, una de las mas importants de lo mudéchar zaragozano. Lo barrio s'estendilla entre lo Coso Baixo y la carrera de Sant Vicent de Paúl.
| La Madalena La Magdalena | |
| Barrio de Zaragoza | |
 Ilesia de La Madalena | |
| Entidat • País • Ciudat • Districto |
Barrio Aragón ZaragozaCasco historico |
| Codigo postal | 50.001 |
| Carreras prencipals | Sant Vicent de Paúl, Carrera Mayor |
.png) Situación de lo barrio en lo Casco Antigo | |
Toponimia
editarYa hi ha referencias a lo Barrio de la Madalena en textos de lo sieglo XII de los "Documentos de lo Pilar"[1], escritos en latín medieval con elementos en aragonés:
En la Edat Meya cristiana lo Barrio de La Madalena se convertió en una parroquia a l'igual que toz los primers barrios de la ciudat de Zaragoza adintro de las murallas y se nombra como Parroquia de Sancta Maria Magdalena u Parroquia de Santa María Madalena.
A fins de lo sieglo XIV y principios de lo sieglo XV ya bi ha referencias a este barrio como La Madalena, en relación a la "Parroquia de Santa María Madalena":
En lo fogache de 1495 lo nombran simplament como La Madalena.[3]
Historia
editarLo barrio naixe adintro de la muralla romana a la dentrata por a Puerta de Valencia u de l'Alquibla. En l'actual Plaza de La Madalena se troba lo prencipio por l'este de lo decumano de la ciudat. Dimpués iste barrio ferá parte de la medina y acullirá la chudería en la suya zona mas amanata a l'actual Plaza de Sant Miguel.
Interculturalidat y asociacionismo
editar
Iste barrio dito popularment con lo suyo nombre aragonés "La Madalena" ye hue en día la zona mas alternativa y intercultural de la ciudat. Entre la suya población destaca la musulmana, la chitana u l'africana. Se i puede trobar teterías arabes, tabiernas con musica reggae u centros socials con una ampla programación cultural y musical. Bi ha locals y bars d'ambient aragonesista, comunista, anarquista y dica abertzale. Entre las numerosas asociacions que tienen la suya seu en iste barrio se puede trobar AVV Arrebato, Towanda, MOC, Os diaples d'a Uerba, Diagonal-Aragón, Nogará, A Enrestida, Liberacion, Casa de las Culturas, Casa de la Mujer, Calle y Libertad, Rasmia, CSA La Revuelta, Biblioteca Frida Kahlo, Barrio Verde, Coordinadora Antifascista, CSA 451, Sargantana, ecetra.
Bi ha tamién tabiernas d'ambient aragonesoparlant a on ye present la luenga aragonesa, como por eixemplo L'Entalto, A Flama u lo Dispierta Fierro.
Actividaz
editarL'actividat cultural desarrollata en lo barrio ha feito que se celebren eventos como la Semana Cultural que en lo mes de chunio, diferents festivals u la pasarela de moda de Modalena que agora ya se fan en atros espacios difuera de lo barrio a causa de lo suyo exito en anteriors edicions.
Referencias
editar- ↑ (es) Luís Rubio: Los documentos del Pilar. AFA. XVI-XVII. 1965-1966.
- ↑ (es) Ana del Campo Gutiérrez: El Libro de Testamentos de 1384-1407 del notario Vicente de Rodilla: una introducción a los documentos medievales de últimas voluntades de Zaragoza. Institución "Fernando el Católico,", 2011.
- ↑ (es) Antonio Serrano Montalvo La población de Aragón según el fogaje de 1495. Volumen 1. Institución Fernando el Católico, 1995
Vinclos externos
editar- (es) Semana Cultural de La Madalena
- (es) Modalena
| Barrios d'o districto Casco historico de Zaragoza | |
|---|---|
| La Madalena | Sant Agostín | Sant Miguel | Sant Pavlo | Tenerías | Tubo |
Datos: Q9018702
