Nacionalismo aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O nacionalismo aragonés ye a concepción politica que esfiende que Aragón tiene historia, luenga, leis y cultura propios ta tener una mayor autonomía u dica estar una nación independient. Un d'os simbolos mes emplegatos ye a estrelada aragonesa, formata por as cuatre barras d'Aragón y una estrela roya en o meyo.

A estrelada aragonesa

Os prencipals partius aragonesistas son:

• CHA: Chunta Aragonesista
• PAR: Partido Aragonés
• INAR: Iniciativa Aragonesa
• EA: Estau Aragonés

Historia

Dende o emprencipio d'o sieglo XVIII, en que Aragón pierde esfinitivament a suya independencia politica, a sensación d'una unidat nacional ye considerata de trazas esvagariatas per a población aragonesa, encara que en dingún inte se deixan de tener claras bel unas d'as caracteristicas que composan o territorio y o pueblo aragonés, fruito d'a continuidat multisecular d'Aragón como reino sobirán.

Manimenos, no será dica o sieglo XX, en 1919, que encomenzará a alufrar-se politicament una visión d'Aragón de caracter nacionalista en as pachinas de El Ebro', a revista d'a Unión Regionalista de Barcelona, que dimpués se clamaría Unión Aragonesista. D'entre toz es nombres, bi descollarían dos feguras: Gaspar Torrente y Julio Calvo Alfaro.