Val

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Valle rendreza enta ista pachina; ta atros usos, se veiga Valle (desambigación).

Una val ye una depresión d'a superficie terrestre, de forma alargata y abocata enta un laco, mar u compleganza endorreica, a ormino ocupata por un río. Por un regular se forma por a erosión fluvial y a meteorización mecanica.

Fljótsdalur, una val en l'este d'Islandia

A parte topograficament inferior d'o perfil transversal d'una val ye o fondón d'ixa val.

Varellas y vallons

Bi ha vals chicas reciben a denominación de varellas (d'o latín VALLICULA), vallons u vaguadas (d'o latín VACUUM, como "vago") en aragonés. L'ALEANR documenta l'uso d'as palabras varella, valella, varilla, varello y varillo en Hu 100, Hu 112, Z 200, Z 400, Z 402, Z 600 con o significau mayoritario especifico de val ixuta con hierba fresca y os significaus chenerals sinonimos de vallón, varellón y vaguada. A palabra vallonada la documenta Ángel Ballarín Cornel en benasqués y Antoni Maria Badia i Margarit en belsetán.

Se veiga tamién

• Val glacial
• Lista de vals d'o Pireneu aragonés

Vinclos externos

• Se veigan as imáchens de Commons sobre vals.

• Datos: Q39816
• Multimedia: Valleys / Q39816