Vega de Tacho

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vega de Tacho Vega de Tajo
Administración
Estau
País	Aragón
Comarca	Sierra d'Albarracín
'
'
Cabecera	{{{cabecera}}}
Capital
Localidaz	{{{localidatz}}}
Chentilicio	{{{chentilicio}}}
Cheolochía
Acceso
Ríos	Río Tacho
Largaria
Orientación	Sud-este-Nord-ueste
Cheolochía
Tipo
Macizo	Entre la serranía d'Albarracín y la serranía de Cuenca.
Mapa

La vega de Tacho u val de l'Alto Tacho ye un parache natural que corresponde a la val d'este río a piet de los Monts Universals, en un territorio entre las provincias de Cuenca y Teruel, no guaire luent de la muga con a provincia de Guadalachara. Lo tacho tiene un cauz que baixa enta lo norueste dende lo suyo naixedero, por lo que la vega de Tacho tiene una dirección sud-este-nord-ueste.

Toponimia

Lo microtoponimo Vega de Tajo se conoix ya en textos medievals por haber-ie habiu un litichio territorial entre los concellos de Cuenca y Albarracín, habendo-se conservau uns cuantos documentos sobre este y d'atros entredichos.

Una de las primeras mencions ye de 1278, cuan lo sinyor don Juan Nuñez de Lara concedió unas tierras a Domingo Pascual de Fridas:

vassallo de Santa Maria e senyor de Albarracin, do e otorgo a vos Domingo Pascual de Fridas desde la Puerta de Molina entre amos los adarves fasta a fondón del adarve e par las casas do vos a Nava Seca por heredamiento, asín como vierten las aguas, asín como da la carrera hyxe de la vega de Tajo en angosto de..

Lo 30 de chunio de 1380 lo concello d'Albarracín nombró dos chueces pa tractar lo concello de Cuenca como procuradors. Se'n conserva la carta de poder, a on que se leye:

vayades personalment a los términos nuestros clamados la vega de Tajo et como afruenta con término de la ciudad de Cuenqua, a saber, en el Osejón, camino de Huélamo, dalla de la cannyada del Cubiello, tnuestro término, et en la sennyoría del dicho sennyor rey de Aragón, como las aguas vierten del dicho Osejón a la parte de aquí, que es nuestro término, et afruenta de la parte de allá con término de la dicha ciudat de Cuenqua, non contrastant que la dicha ciudat de Cuenqua lo clame et diga seyer suyo fastal río de la dicha vega de Tajo. Et vos veyades con los yunteros et procuradores que la dicha ciudat de Cuenqua deve enbiar a los dichos téminos, et por tirar scándalos, periglos et dannyos, ensanble los dichos yunteros et procuradores podades sennyalar et poner mojones en el dicho término del dicho Osejon, et como va por aquella derecha que las aguas vierten fastal dicho río de la vega de Tajo, lo qual es nuestro, et los de la dicha cibdat de Cuenqua afirman et claman suyo et fazen comunero et entredicho en esta manera...

Lo 2 de chuliol de 1380 los dos procuradors acordoron con las autoridaz cuencanas la declaración d'este territorio como entredicho y d'uso común ganadero dica que se plegás a una solución definitiva:

sobre los términos entredichos que son del río de la vega de Tajo fata la canyada del Cubiello, et de la canyada del Cubiello fastal dicho río de la vega de Tajo, lo cual la dicha cibdat e Cuenqua afirrma seyer suyo...

No nomás se conserva la denominación Vega de Tajo en territorio aragonés (denominación que coexiste con Vega del Tajo), tamién en territorio de la provincia de Cuenca, a on que bi ha un microtoponimo Monte Vega del Tajo.

Cheolochía

La val de l'Alto Tacho y la val de l'alto Cabriuel representan un sulco intramontanyoso que desparte la serranía de Cuenca a lo sudueste y los Monts Universals (Serranía d'Albarracín). En la formación d'este sulco ha influiu la erosión diferencial de las archilas y almendrons terciarios, lo que ha feito que resalten encara mes las calsineras mesozoicas, que amés son superposadas por la existencia d'un gran cabalgamiento baptizau como "cabalgamiento de l'Alto Tacho-Val de Cabriuel".

Las altarias de La Cebadilla (1.841 m), Los Malenes (1.825 m) y Val Longuiello (1.811 m) son en lo cabalto de las costeras de los sarraus de los Monts Universals que bi ha en la marguin nord-este de la val. Estos sarraus son feitos de calsineras churasicas y cretacias que a traviés de l'antedito cabalgamiento s'han posau en contacto con los materials molasicos royencos de lo terciario.

Cheomorfolochía

La Vega de Tacho u val de l'Alto Tacho representa un conchunto de vals con fondón plan que desauguan enta una val prencipal, igualment con fondón plan, en bel caso con poljes u navas karsticas capturaus por lo rete fluvial de lo Tacho. Nava Seca ye lo polje principal de las navas de Villar d'el Cobo y desaugua en la Vega de Tacho.

Hidrolochía

En la Vega de Tacho este río ye un simple regallo que traviesa las navas karsticas, a sobén sin d'augua. Dica lo forcallo con lo río de la Hoz Seca, ya en la provincia de Guadalachara, lo Tacho no tendrá un important cabal hidrolochico. Bi ha unas cuantas fuents con augua d'orichen nival como la Fuent de los Malenes, que baixa dende lo termin de Villar d'el Cobo, a la que s'une l'arroyo de la Fuente de Casa Marín. Atras fuents son la de Borbollón, d'el Pino, u la d'Ojuelo.

Vechetación

La vechetación natural en esta zona ye lo pinar con sabina chaparra.

Referencias

• Datos: Q13050379