Val con fondón plan
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As vals con fondón plan son barrancos con fondón plan y costeras en cillo, muito estendilladas por tota a depresión d'Ebro, pero que son a prencipal forma de denudación fluvial en os afloramientos chesosos d'o centro d'a depresión.
Vistos en planta tienen un denso trazau dendritico. O emplazamiento mes tipico ye en antigos glacis, en especial os d'erosión, a los que desfan reducindolos a sobén a simplas crestas divisorias de perfil agut.
O emplenau ye de limos, nodulos de cheso y intercalacions de livels de glera y amaga l'antigo perfil en V d'estas vals. Esto ye por a poca competencia d'os achents de trasporte, incapaces de levar-se-ne os sedimentos auguas enta baixo. A causa d'esto ye tanto climatica (escasas precipitacions) como antropica (desforestación d'as costeras, cautivo y fer faixas u bancals). Encara ye polemico entre os cheomorfologos cual d'as causas ye mes important.
Bibliografía
editar- (es) Francisco Pellicer Corellano, Maria Teresa Echeverría Arnedo: Formas de relieve del centro de la Depresión del Ebro. Institución Fernando el Católico.
Datos: Q11049510
