Martín Almagro Basch

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Martín Almagro Basch
Información personal
Calendata de naixencia	17 d'abril de 1911
Puesto de naixencia	Tramacastiella (Sierra d'Albarracín)
Calendata de muerte	28 d'agosto de 1984
Puesto de muerte	Madrit (Espanya)
Ocupación	Prehistoriador y arqueologo

Martín Almagro Basch, naixito de Tramacastiella (Sierra d'Albarracín) o 17 d'abril de 1911 y muerto en Madrit (Espanya) o 28 d'agosto de 1984, estió un destacato prehistoriador y arqueologo aragonés, encara que a suya mai yera d'orichen hongaro. Estudió en a Universidat de Valencia y dimpués en a Universidat Complutense de Madrit, a on se licenció en Historia en 1932 y en Dreito en 1934, ta dimpués continar a suya formación en os anyos 1930 en Alemanya, tenendo como mayestros a personalidaz como o paleontologo Hugo Obermaier u l'arqueologo Leo Viktor Frobenius.

En tener un profundo intrés por a Historia d'Aragón, en 1942 publicó os suyos primers treballos arqueolochicos feitos en a localidat aragonesa de Griegos, desembolicando dende ixe inte cuantos treballos arredol d'Aragón y d'atros puestos amanatos, destacando por o suyo intrés en l'arte levantín.

En 1941 se convertió en Catedratico en a Universidat de Barcelona, estando tamién en 1939-1956 director d'o Museu Arqueolochico de Barcelona. Dende 1947 dirichió tamién l'Instituto d'Estudios Turolenses, y en 1954 se convertió en Catedratico en a Universidat de Madrit, asumindo en 1957 a dirección d'o Museu Arqueolochico Nacional. Antiparte, dirichió a misión arqueolochica espanyola a Nubia.

Obras

• 1941: Introducción a la arqueología.
• 1951: Ampurias: Historia de la ciudad y guía de sus excavaciones.
• 1955: La necrópolis de Ampurias.
• 1959: El Señorío Soberano de Albarracín bajo los Azagra.
• 1959-1964: Historia de Albarracín y su sierra.
• 1960: Manual de Historia Universal. Prehistoria.
• 1966: Las estelas decoradas del sureste peninsular.
• 1968: El arte prehistórico en el Sáhara español.

Vinclos externos

• Se veigan as imáchens de Commons sobre Martín Almagro Basch.
• Martín Almagro Basch en El anaquel de Spantamicus Bibliografía completa y enlazada de D. Martín Almagro Basch

• Datos: Q3571486
• Multimedia: Martín Almagro Basch / Q3571486