Anzanigo
Anzanigo (en castellán Anzánigo) ye un lugar aragonés pertenexient a o municipio de Candarenas, situato en a comarca de l'Alto Galligo (provincia de Uesca), en a clamata Galliguera.
| Anzanigo | |
|---|---|
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} UescaAlto Galligo Candarenas |
| Población • Total |
33 hab. |
| Altaria | 594 m. |
| Distancia • 52 km |
enta Uesca |
| Codigo postal | 22624 |
| Coordenatas | 42°24’ 8’’N 0°39’ 3’’U |
  Anzanigo Situación d'Anzanigo en Aragón | |
A suya población ye de 33 habitants.
CheografíaEditar
Ye situato en a ribera cucha d'o río Galligo, a lo noreste d'o entibo d'a Penya, a 594 metros d'altaria sobre o ran d'a mar, y a una distancia de 52 km d'a ciudat de Uesca, a capital d'a suya provincia.
EtimolochíaEditar
O lugar prene o nombre de l'antigo puent román que bi heba en iste puesto y que yera dito en latín Anzanvs. Hue en ixe puesto se i troba un puent medieval. Chunto a lo puent encara se conserva parti de l'antiga vía romana Zaragoza-Biarn.
HistoriaEditar
Seguntes Agustín Ubieto Arteta, a primera cita d'o lugar ye en 1037, recullita en a obra d'Eduardo Ibarra y Rodríguez Documentos correspondientes al reinado de Ramiro I (1034-1063) (en Colección de documentos para el estudio de la Historia de Aragón, I Zaragoza, 1904), y decumenta as formas Ançanego, Anzanecho, Anzaneco, Andizaniku, Andiçanicu, Anteçaneco, Antecannecco y Antezaneco.[1]
En 1972, l'antiguo termin municipal d'Anzanigo se disgregó: a mayor parte s'adhibió a Candarenas, encara que o lugar de Centenero y o suyo termin s'adhibió a o municipio d'As Penyas de Riglos, seguntes o Decreto 3389/72, de 30 de noviembre, publicato en o Boletín Oficial del Estado numero 299, de 14 d'aviento.
MolimentosEditar
A suya ilesia parroquial adedicata a Santa Agueda Virchen y Mártir ye d'o sieglo XVIII.
Destaca tamién l'ermita romanica d'a Virchen d'Izarbe d'o sieglo XII u XIII. A imachen romanica d'a Virchen d'Izarbe ye alzata HUE en a ilesia parroquial.
L'atra ermita situata amán d'o lugar ye la de Santa Isabel, tamién romanica.
FiestasEditar
- 11 de mayo en Honor a la Virchen d'Izarbe se Celebra una romería.
- Primer sabado de chunio, romería enH honor a la Virchen d'os Ríos.
- 13 de chunio, Sant Antón, fiestas patronals.
ReferenciasEditar
- ↑ (es) Ubieto Arteta, Agustín: Toponimia aragonesa medieval, Valencia, 1972.
| Lugars d'o municipio de Candarenas | |
|---|---|
| Poblaus: Anzanigo | Aquilué | Candarenas | Estallo | Latre | Sant Vicient d'Aquilué | Serué | Sieso de Chaca | Xabierre-Latre Despoblaus: Aguces | Artaso | Escusaguat | Lorés |