Antonio de Capmany de Montpalau y Surís

Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Antonio de Capmany de Montpalau y Surís
Antonio de Capmany de Montpalau y Surís, obra de l'escultor Frederic Marés.
Antonio de Capmany de Montpalau y Surís, obra de l'escultor Frederic Marés.
Información personal
Calendata de naixencia 24 de noviembre de 1742
Puesto de naixencia Flag of Catalonia.svg Barcelona (Barcelonés, Catalunya)
Calendata de muerte 14 de noviembre de 1813
Puesto de muerte Flag of Andalucía.svg Cádiz (Cádiz, Andalucía)
Ocupación historiador, militar, economista, filologo, filosofo y politico

Antonio de Capmany de Montpalau y Surís, naixiu de Barcelona (Catalunya) o 24 de noviembre de 1742 y muerto en Cádiz (Andalucía) o 14 de noviembre de 1813, estió un historiador, militar, economista, filologo, filosofo y politico catalán.

Feba parte d'una familia d'a nobleza orichinaria d'a ciudat de Chirona y que destacaba por a suya presencia en as institucions publicas locals de Chirona (su avuelo) y de Barcelona (su pai). Fació os suyos estudeos en a ciudat de Barcelona ta dimpués dentrat como cadet en o Exercito espanyol, en primeras en o Rechimiento de Dragons de Merida, una unidat de caballería, ta pasar dimpués enta lo Rechimiento de tropas licheras de Catalunya. Como militar, partecipó en 1762 en a invasión de Portugal en o marco d'a Guerra hispano-portuguesa de 1761-1763. Tanimientres, en 1762 solició una licencia ta tornar a la vida civil, adedicando-se dende alabez a los estudeos, más que más en o campo d'a Historia.

Tamién prenió parte en actividatz de tipo politico y social. Asinas, colaboró en o prochecto de Pablo de Olavide que pretendeba repoblar Sierra Morena con familias procedents de Centroeuropa y que en zagueras se realizó nomás que muit parcialment, y esdevenió esfensor d'os gremios frent a la postura de Gaspar Melchor de Jovellanos y Pedro Rodríguez de Campomanes, que pensabar que caleba suprimir-los. Mientres o Gubierno d'o favorito Manuel de Godoy no prenió parte en a vida politica y prenió posturas conservadoras frent a las nuevas ideas d'a Revolución francesa.

En 1776 dentró como miembro en a Real Academia d'a Historia, esdevenindo en 1790 o suyo secretario perpetuo; y en 1782 dentró como miembro en l'Academia de Buenas Letras de Barcelona. En 1808, quan o Exercito francés de Napoleón Bonaparte invadió Espanya y prencipió a Guerra d'o Francés, Antonio de Capmany incitava a los espanyols a una luita a muerte contra l'invasor francés, a qui consideraba como la representación de l'anti-Espanya.

Partecipó como deputau en as Cortz de Cádiz en representación de Catalunya, adscribindo-se a lo sector moderau d'os liberals, fendo parte d'a Comisión encargada d'elaborar una nueva constitución, que dimpués estió a Constitución de Cádiz.

Morió a conseqüencia d'una epidemia o 14 de noviembre de 1813 en Cádiz. As suyas despullas se trasladoron enta Barcelona en 1877, enta lo Cementerio de Poblenou, y desapareixioron en os succesos revolucionarios de 1936 en prencipiar a Guerra civil espanyola, quan s'incendió.

ObraEditar

Enlaces externosEditar