Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo ye sobre Almansa, un despoblato d'a provincia d'Teruel en a comarca de Gúdar-Chabalambre. Ta d'atros usos, veyer Almansa (desambigación).

Almansa ye un despoblato medieval situau en l'actual termin municipal d'Abechuela, a on que encara bi ha un microtoponimo relacionau, La Hoya de Almansa. Se suposa que l'actual ermita de Santa Margalida d'Abechuela ye en l'antiga Almansa.

Almansa
Despoblau medieval d'Aragón
Entidat
 • País
 • Provincia
 • Comarca
 • Municipio
Despoblau medieval
 Aragón
 Teruel
Gúdar-Chabalambre
Abechuela
Partiu chudicial Teruel
Población
 • Total

0 hab.
Codigo postal 44422
Parroquial
 • Diocesi
 • Arcipestrau

Teruel y Albarracín
Mora de Rubielos
Coordenadas
Almansa ubicada en Aragón
Almansa
Almansa
Almansa en Aragón

Historia editar

Lo 22 d'aviento de 1237 lo rei Chaime I d'Aragón fixó las mugas de la villa y castiello d'Andilla, que heba cediu a Eximén Pérez d'Arenós y nombra Almansa como un de los termins d'Andilla:

volumus et concedimus quod dictum castrum et villam habeat proterminis Vallem de Canales et Salatam, Barchatalbes, Almansa, Ganatallova, Axerim, Alarchota, Agivar, Perdichinos, Alcubla maior.

Lo 22 de chunio de 1238, enantes de la reconquiesta de Valencia, lo rei Chaime I donó lo castiello y villa d'Exerica a lo concello de Teruel, dando-li una delimitación y torna a mencionar Almansa:

Concicium Turolii, castrum et villam de Xeriqua, et accipiat terminos d'a rivo de Alventosa citra talaiam de Bexexi, et in hoc termino sint vertentes de Monalgarau et Almanza et Alcota usque ad colatum de Villamalur, et usque ad congosto de Segorbe et usque buqueras de Liria, et in donatione ista sunt Pardinas, Buqueras, Marinos et Guadalmar cum suis terminis, et abeant forum Turolii salvis donationibus militum. X calendas iuliii.

Lo 18 de marzo de 1239 lo rei Chaime I d'Aragón dio termins a lo concello y villa de Teruel y menciona omnibus almansis como una de las suyas mugas:

Sic incipit a flumine de Guadalaviar et vadit cerro ad turrim de La Cuba que dicitur Serriella; et sicut vadit ad Lossam et ad sumum de Cutema; et exiit ad la covam de Abenferruz et ad sumum de foz de Cherutea; et vadit ad fontem Sarcosa; et vadit ad sumum de portu de Bexxis de la Salada, cum omnibus almansis; et exit ad foxem de Bexxis; et donat per cerrum in turre de talaia de Bexxis et exit ad turrim de la coba de Xerica et de ipsa in sursum.

Dimpués de la deseparación d'Exerica de lo concello de Teruel en 1261 los teruelanos quereban recuperar los territorios que d'alcuerdo con lo fuero de 1177 lis correspondeban, y prebaban de fer-lo poblando los territorios que teoricament lis correspondeban. Lo historiador Enric Guinot Rodríguez opina ni Torrillas ni Abechuela existiban en 1261, y que Torrillas y Almansa (nuclio precursor d'Abechuela) son citadas por primera vegada en mayo de 1262 como lugars que lo concello de Teruel heba de repoblar. D'esta traza os teruelanos nombroron mayordombres en un texto en lo que salen unas aldeyas de la zona en litichio con lo reino de Valencia con nombres latinizaus:

qui dividant et donent ad populandum quibuscumque personis voluerint...loca illa sunt in terminis turoliii, qui nominantur Musquerola, Val de Linares, Pena Calva, Atorela, Salmança, Turriles, Camarela et omnia loca que in termino Turolii sunt ad populandum

En 1322 u 1324 fixoron la muga entre los termins d'Almansa y Andilla en una concordia entre Eximén Pérez d'Arenós (sinyor de la Baronía d'Andilla) y lo concello de Teruel (que defendeba los intreses de l'aldeya d'Almansa). La muga se posó en la Foya d'Abechuela, 5 km a lo norte de l'actual cabo mes meridional d'Aragón[1] En esta concordia tamién s'establió que la Fuent de la Musa y lo Pozuelo d'el Fondón d'Abechuela fuesen abrebadors comuns pa las dos localidaz.[2]

Enta lo sieglo XVI los habitants d'Almansa baixoron a vivir a lo Fondón d'Abechuela, con una climatolochía mes favorable y chusto en la muga.[1] En 1682 fuoron ratificadas las mugas de 1322 u 1324 en lo contexto que Abechuela reclamaba dreitos sobre tierras compradas en Andilla y La Yesa, pero finalment cambioron.

Referencias editar

  1. 1,0 1,1 Francesc Torres Faus Les divisions territorials valencianes a les Observacions de Cavanilles Cuadernos de geografía, ISSN 0210-086X, Nº 62, 1997 p 307 [1]
  2. Company, A.; Carbonell Boira, M.J. y Sanchis, F. (1986): La revisió de la frontera valenciano-aragonesa en 1732 (Hipòlit Ravanals). Butlletí de la Societat d'Onomàstica, 24, 603-510. [2]


Lugars desapareixius d'o municipio d'Abechuela
Almansa