Abozo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O termin abozo (d'o latín <ALBUCEU, «blanquinyoso») designa popularment a cualques especies de plantas liliopsidas bulbosas con florada primeral u estival, especialment as xantorroacias de o chenero Asphodelus, que tienen a flor blanca.

Una mata d'abozos, de a especie Asphodelus aestivus.

Anque pareix que a etimolochía d'a parola abozo («albucēu» significa "blanquinyoso") suchiere que orichinalment no s'aplicaba si que a plantas de flor blanca, en l'aragonés actual (sobre tot en a parla de bels puestos) a voz ha sufierto una cheneralización de o suyo significau y se puede sentir emplegada ta nombrar virtualment a cualsiquier planta bulbosa con flors vistosas, tanto cautivada y ornamental como silvestre, y de forma independient d'a color que tiengan as flors.

Un eixemplo de flors que eventualment se pueden sentir como abozos son os lirios de flor morada que abundan en os cimenterios (Iris germanica).

Especies

• Chenero Asphodelus
  • Asphodelus albus
  • Asphodelus aestivus
  • Asphodelus cerasifera
  • Asphodelus fistulosus
• Chenero Iris
  • Iris albicans
  • Iris aphylla
  • Iris domestica
  • Iris foetidissima
  • Iris japonica
• Etc.

Variants d'o fitonimo

A parola «abozo» s'ha documentau como agozo en Luesia (Cinco Villas) y en Ansó (Chacetania). As formas albezo u albezón pareix que son mas propias d'as comarcas orientals de l'Alto Aragón. Se documentan en Fonz, en Estadiella, en Chistén, en Benás y en Sant Feliu de Veri. A forma arbezón s'ha documentau en Chía.

Se veiga tamién

• Iris.
• Asphodelus.

• Datos: Q13048311