Siracusa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Siracusa (Sarausa en siciliano) ye una comuna italiana, capital d'a provincia de Siracusa, en a zona sudoriental d'a isla y rechión de Sicilia, a o canto d'o mar Mediterranio.

Siracusa Sarausa
Localidat d'Italia
Anvista de Siracusa
Estau  • Rechión  • Libre CC	Italia Sicilia Siracusa
Superficie	204,08 km²
Población  • Total  • Densidat	116 244 hab. (2015) 605,39 hab/km²
Altaria  • Meyana	17 m.
Alcalde	Francesco Italia
Codigo postal	96100
Prefixo	0931
Codigo ISTAT Codigo catastral	089017 I754
Chentilicio	Siracusano/a
Fiestas	13 d'aviento
Patrons	Santa Lucia de Siracusa
Coordenadas
Siracusa Siracusa en Italia
Web oficial

Tien una superficie de 204,08 km² y una población de 123.494 habitants en 2007, con una densidat de población de 605,12 hab/km².

O suyo termin municipal muga con os termins d'Avola, Canicattini Bagni, Floridia, Melilli, Noto, Palazzolo Acreide, Priolo Gargallo y Solarino.

A UNESCO declaró Patrimonio d'a Humanidat o centro de Siracusa y la necropoli rocosa de Pantalica en 2005.

Toponimia

En a epoca d'influencia d'a Corona d'Aragón se clamaba Zaragoza de Sicilia por etimolochías populars. En o "Libro de los Emperadors" podemos veyer-ne una eixemplo:

E fueron entro a Cilicia e han gastado todos los casales e castiellos de Çaragoça e apres sitiaron la ciudat de Çaragoça. E l'emperador, haviendo grant desseo de complir su obra de la eglesia que tenia començada, e muito más la de Sant Elías, la qual amava e onrava más que a todas las otras, esperando que aquel lo levaría con si en el cielo; e porque los marineros eran muito enoyados de las obras sobreditas, l'emperador no havía manera de socorrer Çaragoça. Non dubdando que fues presa de los enemigos, envió una armada en sucurso de los çaragoçanos, la qual armada valía poco,

Historia

A ciudat de Siracusa la fundoron chents procedents d'a ciudat griega de Corinto en o sieglo VIII aC, formando asinas parte d'a Magna Grecia. Yera a segunda colonia griega en Sicilia, dimpués de Naxos. Pronto a ciudat inició una expansión, fundando ella tamién colonias amanatas a Siracusa.

En o suyo periodo de mayor esplendor, Siracusa estió baixo o dominio d'os Tirans de Siracusa, dica a suya conquiesta por l'Antiga Roma, en 212 aC.

Dimpués d'a caida de l'Imperio romano, Siracusa, chunto con toda Sicilia, la dominoron os ostrogodos, dica a suya conquiesta por Belisario, o 31 d'aviento de 535; en o sieglo IX la conquerioron os arabes, en 878.

Fue recoquerita en 1038 por o cheneral bizantín Chorche Manizes y perdita de nuevo en 1043. En 1085 la conquirió Roberto Guiscardo, y en 1194, Henrique VI d'o Sacro Imperio Romano Chermanico, ta ser incorporata a lo Reino de Nápols.

En o sieglo XIII, Siracusa estió aliata a la Corona d'Aragón ta la conquiesta de Sicilia, y os reis d'Aragón le concedioron por iste motivo privilechios.

A ciudat padeixió tierratremos en 1543 y 1693, y una plaga en 1729. Fue reconstruita seguntes o barroco seciliano.

Una epidemia de colera en 1837 provocó una sublevación contra os Borbons que ocupaban o Reino de Nápols, y Siracusa perdió a seu d'a capitalidat d'a suya provincia, tresladata ta Noto; recuperó a capitalidat en 1865, dimpués d'a Unificación d'Italia.

En 1943, en a Operación Husky, en a Segunda Guerra Mundial, bombardioron Siracusa tanto as tropas d'os Aliaus como as d'o Tercer Reich.

Vinclos externos

• Se veigan as imáchens de Commons sobre Siracusa.

• Datos: Q13670
• Multimedia: Syracuse / Q13670