Wikipedia:Biquiprochecto:Grafía/Grafía SLA/Villanueva de Galligo

Villanueva de Galligo
Municipio d'Aragón
Entidat  • País  • Provincia  • Comarca	Municipio  Aragón  Zaragoza Zaragoza (redolada)
Partiu chudicial	Zaragoza
Superficie	76 km²
Población  • Total	4.013 hab. (2007)
Altaria  • Meyana	244 m.
Distancia  • 13 km	enta Zaragoza
Codigo postal	50830
Ríos	Galligo
Coordenadas	41°46’26’’N 0°49’30’’U
Villanueva de Galligo Villanueva de Galligo en Aragón
[www.villanuevadegallego.org Web oficial]

Villanueva de Galligo (Billanueba de Galligo en a Grafia de Uesca, Villanueva de Gállego en castellan) ye una villa d'a província de Zaragoça situata en la comarca de Zaragoça. La suya poblacion ye de 4.013 habitants (2007) en una superfície de 76 km² y una densidat de poblacion de 42,8 hab/km²

História

L'origen d'a villa devió d'estar en un rolde de casas de labrança que asinas estioron establindo lo núclio urbano, trestallato perfectament en dos vicos, lo Bico Alto y lo Bico Baixo. Una série d'edificacions solatas, que son conoixitas con lo nombre de "torres" (casa tipica de l'Aragon més rural y amanato t'a ciudat) son lo ricuerdo d'un lugar més esparracimato.

Villanueva fació mientres varios sieglos parti d'una sinyoria que lo rei Pero IV d'Aragon deixó t'a ciudat de Zaragoça ta financiar la guerra ta conquerir la Corona de Castiella. Alavez pasó a estar Villanueva un lugar de Zaragoça, anque con alcalde y regidor própios que la suya eslecion heva de fer-se con l'asentimiento d'o Concello de Zaragoça. A la fin d'o sieglo XVIII esdebinió un concello independient.

En o sieglo XII i tenió la suya seu un monestério cistelenco que fue tresladato ta Rueda.

Toponímia

Lo nombre árabe d'esta vílla estió Burjazut (escrito asinas en documentos d'a Edat Meya), nombre que actualment ye tamien lo d'una imagen d'a Virchen venerada en lo lugar y la suya comarca (Nuestra Señora de Burjazud, La Nuestra Sinyora de Burjaçut). Lo nombre actual d'a villa no apareix en documentos oficials dic'o sieglo XVII